उनलाई जिल्ला अदालत लमजुङले जबर्जस्ती करणी उद्योगसम्बन्धी कसुरमा ९ वर्ष ६ महिना कैद र ३ लाख ५० हजार रुपैयाँ जरिवाना हुने फैसला गरेको थियो ।
लमजुङ — जेनजी आन्दोलनका क्रममा कास्की कारागारबाट फरार भएका एक कैदीलाई लमजुङ प्रहरीले पक्राउ गरेको छ। जबर्जस्ती करणी उद्योगसम्बन्धी कसुरमा दोषी ठहर भई कैद सजाय भुक्तान गरिरहेका अमृतबहादुर अधिकारी पक्राउ परेका हुन् ।
२०८२ भदौ २३ र २४ गतेको जेनजी आन्दोलनका क्रममा भागेका अधिकारीलाई बुधबार बिहान साढे ९ बजेतिर बेसीसहर नगरपालिका–२ भकुण्डेमा हिँडिरहेको अवस्थामा फेला पारेको जिल्ला प्रहरी कार्यालय लमजुङले जनाएको छ।
उनी लमजुङको राइनास नगरपालिका–९ का हुन् । अधिकारीलाई जिल्ला अदालत लमजुङले जबर्जस्ती करणी उद्योगसम्बन्धी कसुरमा २०८१ पुस ३ गते ९ वर्ष ६ महिना कैद र ३ लाख ५० हजार रुपैयाँ जरिवाना हुने फैसला गरेको थियो।
प्रहरी टोलीले उनलाई तत्काल पक्राउ गरी आवश्यक कानुनी प्रक्रिया पूरा गरेर बाँकी कैद सजाय भुक्तानका लागि जिल्ला बिहीबार कारागार कार्यालय कास्की पठाएको प्रहरी निरीक्षक नेत्रबहादुर थापाले जानकारी दिए ।
आश गुरूङ कान्तिपुरका लमजुङ संवाददाता हुन् ।
