Trending
Prev Story
Next Story

प्रधानमन्त्री बालेनसँग भारत जाने ५२ उद्योगी व्यवसायीको सूची तयार, अञ्जनदेखि निर्वाण चौधरी र नितेश मालपानीसम्म

Bizshala •
November 20, 2026 • 08:36 AM
1
1 reads 0 reactions

काठमाण्डौ । प्रधानमन्त्री वालेन्द्र शाह (बालेन) को आसन्न भारत भ्रमणमा निजी क्षेत्रका ५२ जना उद्योगी व्यवसायी सहभागी...

प्रधानमन्त्री बालेनसँग भारत जाने ५२ उद्योगी व्यवसायीको सूची तयार, अञ्जनदेखि निर्वाण चौधरी र नितेश मालपानीसम्म

काठमाण्डौ । प्रधानमन्त्री वालेन्द्र शाह (बालेन) को आसन्न भारत भ्रमणमा निजी क्षेत्रका ५२ जना उद्योगी व्यवसायी सहभागी हुने भएका छन्। परराष्ट्र मन्त्रालयले विभिन्न व्यावसायिक संघसंस्था तथा प्रतिष्ठित उद्योगी उद्यमीहरूलाई समेटेर भ्रमण टोलीको टुंगो लगाएको हो।

प्रधानमन्त्री शाह आगामी आइतबार अर्थात् मंसिर ६ गतेदेखि भारतको तीनदिने औपचारिक भ्रमणमा जाँदैछन्। उनको भ्रमणमा ३४ सदस्यीय सरकारी प्रतिनिधिमण्डलसँगै ५२ सदस्यीय निजी क्षेत्रको टोलीसमेत सहभागी हुने भएको हो। व्यवसायीहरू भने आफ्नै खर्चमा भारत जानेछन्।

प्रधानमन्त्रीसँग भारत जाने व्यवसायीको सूचीमा नेपाल उद्योग वाणिज्य महासंघका अध्यक्ष अञ्जन श्रेष्ठ, पूर्वअध्यक्ष भवानी राणा, नेपाल उद्योग परिसंघका अध्यक्ष वीरेन्द्रराज पाण्डे, वरिष्ठ उपाध्यक्ष निर्वाण चौधरी, नेपाल चेम्बर अफ कमर्सका अध्यक्ष कमलेशकुमार अग्रवाललगायत छन्।

नेपाल उद्योग वाणिज्य महासंघबाट अध्यक्ष श्रेष्ठ र पूर्वअध्यक्ष राणासहित उपाध्यक्ष कृष्णप्रसाद शर्मा, महानिर्देशक गोपालप्रसाद तिवारी, कार्यसमिति सदस्य सुनिता नेमाफुकी, बटु लामिछाने, उज्ज्वल श्रेष्ठ, सागर ढकाल, निरज काफ्ले र शिवकुमार अग्रवाल भ्रमण टोलीमा समेटिएका छन्।

नेपाल उद्योग परिसंघबाट अध्यक्ष वीरेन्द्रराज पाण्डे, निवर्तमान अध्यक्ष राजेशकुमार अग्रवाल, वरिष्ठ उपाध्यक्ष निर्वाण चौधरी र उद्योगी राजबहादुर शाह सहभागी हुनेछन्।

त्यस्तै, नेपाल चेम्बर अफ कमर्सका अध्यक्ष कमलेशकुमार अग्रवाल र वरिष्ठ उपाध्यक्ष दीपककुमार मल्होत्रा पनि भारत जाँदैछन्।

नेपाल–भारत उद्योग वाणिज्य संघबाट अध्यक्ष कुनाल कायल, निवर्तमान अध्यक्ष सुनील केसी र उपाध्यक्ष करण चौधरी भ्रमण टोलीमा परेका छन्।

ऊर्जा क्षेत्रबाट स्वतन्त्र ऊर्जा उत्पादकहरूको संस्था नेपाल (इप्पान) का अध्यक्ष मोहनकुमार डाँगी, निवर्तमान अध्यक्ष गणेश कार्की र ऊर्जा उद्यमी पुष्कर पौडेल सहभागी हुनेछन्।

सूचना प्रविधि क्षेत्रबाट नेपाल सफ्टवेयर तथा आईटी सेवा प्रदायक संघ (नास–आईटी) का उपाध्यक्ष विभूषण विष्टले प्रतिनिधित्व गर्नेछन्।

यसैगरी, नेपाल निर्माण व्यवसायी महासंघका अध्यक्ष निकोलस पाण्डे, नेपाल घरेलु तथा साना उद्योग महासंघकी अध्यक्ष शोभा गुरुङ, नेपाल औषधि उत्पादक संघका अर्जुनकुमार श्रेष्ठ, फेडरेसन अफ नेप्लिज इन्डस्ट्रिज एन्ड कमर्सका अध्यक्ष खिमनारायण पराजुली र नेपाल निर्यात उद्यमी महासंघका अध्यक्ष गोविन्दप्रसाद घिमिरे पनि टोलीमा छन्।

नेपाल कफी महासंघका उपाध्यक्ष सरोज श्रेष्ठ, तयारी पोशाक उद्योग संघका अध्यक्ष पशुपतिदेव पाण्डे, नेपाल हस्तकला महासंघका अध्यक्ष रवीन्द्र शाक्य तथा नाडा अटोमोबाइल्स एसोसिएसनका अध्यक्ष सुरेन्द्रकुमार उप्रेतीसमेत भारत जाने भएका छन्।

पर्यटन क्षेत्रबाट होटल एसोसिएसन नेपालका अध्यक्ष विनायक शाह, ट्रेकिङ एजेन्सिज एसोसिएसन अफ नेपालका अध्यक्ष सागर पाण्डे र नेपाल एसोसिएसन अफ टुर एन्ड ट्राभल एजेन्ट्सका अध्यक्ष भरतजंग पाण्डे सहभागी हुनेछन्।

त्यस्तै, महिला उद्यमी महासंघकी अध्यक्ष दर्शना श्रेष्ठ र महासचिव दिकिला शेर्पा लामा तथा नेपाल कार्पेट उत्पादक तथा निकासीकर्ता संघका अध्यक्ष बलराम गुरुङ पनि भ्रमण टोलीमा समावेश छन्।

विभिन्न व्यावसायिक संघसंस्थाका प्रतिनिधिबाहेक उद्यमी सचिन ढकाल, नितेश मालपानी, कल्याण गुरुङ, टुकप्रसाद पौडेल, जीवानाथ लामिछाने, डिरेकलाल श्रेष्ठ, अनुप आचार्य, नरेश दास, यमुना श्रेष्ठ, विष्णुकुमार अग्रवाल, दिलीप अग्रवाल, सञ्जय काफ्ले, दीपक थापा र रञ्जनकुमार बान पनि भारत भ्रमणमा जाने भएका छन्।

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Onlinekhabar
2h ago
प्रधानमन्त्री बालेन आइतबार दिउँसो पौने २ बजे भारत भ्रमणमा जाने

प्रधानमन्त्री बालेन आइतबार दिउँसो पौने २ बजे भारत भ्रमणमा जाने

४ मंसिर, काठमाडौं । प्रधानमन्त्री बालेन शाह आइतबार दिउँसो भारत भ्रमणमा जाने भएका छन् । भारत भ्रमणबारे जानकारी दिन परराष्ट्र मन्त्रालयले आज आयोजना गरेको प्रेस ब्रिफिङ अनुसार प्रधानमन्त्री शाह ६ मंसिर अर्थात आइतबार १:४५ बजे नेपाल …

#बालेन-शाह #भारत #भ्रमण
Compare →
Hamro Patro News
30m ago
प्रधानमन्त्री बालेनको भारत भ्रमणअघि सरकारले गरेका सात निर्णय केके हुन् ?

प्रधानमन्त्री बालेनको भारत भ्रमणअघि सरकारले गरेका सात निर्णय केके हुन् ?

काठमाडौँ / सरकारले प्रधानमन्त्री बालेन्द्र शाह (बालेन)को आगामी मंसिर ६ र ७ गते हुने भारतको राजकीय भ्रमण स्वीकृत गरेको छ । शुक्रबार बसेको मन्त्रिपरिषद् बैठकले प्रधानमन्त्रीको भारत भ्रमण स्वीकृत गर्न...

#बालेन-शाह #भारत #भ्रमण
Compare →
Nagarik News
2h ago
प्रधानमन्त्री शाह मंसिर ६ गते भारत भ्रमणमा जाने, यस्तो छ कार्यतालिका

प्रधानमन्त्री शाह मंसिर ६ गते भारत भ्रमणमा जाने, यस्तो छ कार्यतालिका

प्रधानमन्त्री बालेन्द्र शाह दुईदिने राजकीय भ्रमणका लागि भारत जाँदै छन्।

#बालेन-शाह #भारत #भ्रमण
Compare →
Arthasansar
1h ago
आइतबार दिउँसो भारत जाँदै प्रधानमन्त्री, यस्तो छ दुई दिने भ्रमण तालिका

आइतबार दिउँसो भारत जाँदै प्रधानमन्त्री, यस्तो छ दुई दिने भ्रमण तालिका

प्रधानमन्त्री बालेन शाह आइतबार दिउँसो १ः४५ बजे भारत प्रस्थान गर्ने भएका छन् । नेपाल वायुसेवा निगमको नियमित उडानमार्फत भारत जाने...

#बालेन-शाह #भारत #भ्रमण
Compare →
Ekantipur
1h ago
प्रधानमन्त्रीको भारत भ्रमण स्वीकृत, चीनको २ मिलियन डलर अनुदान स्वीकार

प्रधानमन्त्रीको भारत भ्रमण स्वीकृत, चीनको २ मिलियन डलर अनुदान स्वीकार

भारत भ्रमण स्वीकृतिसँगै बाढीपीडितका लागि चिनियाँ अनुदान, आईएमएफको सहुलियतपूर्ण ऋण तथा सम्पदा र झोलुङ्गे पुलसम्बन्धी नीति पारित भएका छन्।

#भारत #भ्रमण
Compare →

Related Stories

Politics & Governance
Build #2612