Trending
Prev Story
Next Story

जीडब्लुएमका दुई गाडीले पाए युरो एनक्यापको पाँचतारे सुरक्षा रेटिङ

Bizshala •
November 20, 2026 • 08:36 AM
3
3 reads 0 reactions

काठमाण्डौ । चिनियाँ अटोमोबाइल निर्माता ग्रेट वाल मोटर (जीडब्लुएम) का दुई मोडल ओरा ५ र हाभल एच७ ले युरोपेली सवारीसाधन...

जीडब्लुएमका दुई गाडीले पाए युरो एनक्यापको पाँचतारे सुरक्षा रेटिङ

काठमाण्डौ । चिनियाँ अटोमोबाइल निर्माता ग्रेट वाल मोटर (जीडब्लुएम) का दुई मोडल ओरा ५ र हाभल एच७ ले युरोपेली सवारीसाधन सुरक्षा मूल्याङ्कन संस्था युरो एनक्यापबाट पाँचतारे सुरक्षा रेटिङ प्राप्त गरेका छन्।

सन् २०२६ मा गरिएको सुरक्षा परीक्षणमा दुवै मोडलले उच्चतम रेटिङ प्राप्त गरेको कम्पनीले जनाएको छ। यस उपलब्धिले जीडब्लुएमका गाडीमा प्रयोग भएका सुरक्षा प्रविधि र इन्जिनियरिङ क्षमताको अन्तर्राष्ट्रिय मान्यता थप मजबुत भएको कम्पनीको दाबी छ।

युरो एनक्यापले सवारीसाधनको सुरक्षा मूल्याङ्कन गर्दा चालक तथा यात्रुको सुरक्षा, दुर्घटनाको सम्भावित असर, दुर्घटनापछिको सुरक्षा व्यवस्था र चालक सहायता प्रणालीलगायतका विभिन्न पक्षको परीक्षण गर्ने गर्छ।

कम्पनीका अनुसार विद्युतीय एसयूभी ओरा ५ ले सुरक्षासम्बन्धी चारवटै प्रमुख परीक्षण क्षेत्रमा राम्रो नतिजा हासिल गरेको छ। विशेषगरी दुर्घटनाका बेला यात्रुको सुरक्षा र दुर्घटनापछिको सुरक्षा व्यवस्थामा गाडीको प्रदर्शन उल्लेखनीय रहेको जनाइएको छ।

ओरा ५ मा ब्याट्री सुरक्षाका लागि जीडब्लुएमको ‘ड्रागन आर्मर ब्याट्री प्रोटेक्सन सिस्टम’ जडान गरिएको छ। यसमा प्रयोग भएको ‘डायु ब्याट्री सेफ्टी टेक्नोलोजी’ ले विद्युतीय गाडीको ब्याट्री सुरक्षालाई थप प्रभावकारी बनाउने कम्पनीको भनाइ छ।

त्यस्तै, गाडीको कम्फर्ट तथा इन्फोटेनमेन्ट प्रणाली सञ्चालन गर्न प्रयोग गरिएका म्यानुअल कन्ट्रोलले परीक्षणमा पूर्ण अंक प्राप्त गरेको जनाइएको छ। स्पिड असिस्टेन्स सिस्टमले पनि राम्रो प्रदर्शन गरेको कम्पनीले उल्लेख गरेको छ।

ओरा ५ मा आधुनिक चालक सहायता प्रणाली (एडास), मजबुत बडी संरचना तथा विभिन्न सुरक्षा प्रविधि समावेश गरिएको छ।

यसअघि पनि जीडब्लुएमका सवारीसाधनले अस्ट्रेलियन न्यू कार एसेसमेन्ट प्रोग्राम (एएनक्याप) बाट पाँचतारे सुरक्षा रेटिङ प्राप्त गरिसकेका छन्।

नेपालका लागि जीडब्लुएमको आधिकारिक आयातकर्ता तथा वितरक भिजी इम्पेक्स प्रालाले ओरा ५ र हाभल एच७ को पछिल्लो उपलब्धिले नेपाली उपभोक्तामाझ ब्रान्डप्रतिको विश्वास थप बढाउने अपेक्षा गरेको छ।

कम्पनीले नेपाली बजारमा अन्तर्राष्ट्रियस्तरका सुरक्षा प्रविधि, आधुनिक सुविधा तथा गुणस्तरीय सवारीसाधन उपलब्ध गराउँदै आएको जनाएको छ।

३५ वर्षभन्दा लामो इतिहास रहेको जीडब्लुएमले विश्वका १७० भन्दा बढी देश तथा क्षेत्रमा आफ्नो उपस्थिति विस्तार गरिसकेको जनाएको छ। कम्पनीका अनुसार हालसम्म विश्वभर एक करोडभन्दा बढी सवारीसाधन बिक्री भइसकेका छन्।

विद्युतीय तथा स्मार्ट सवारीसाधनको विकाससँगै सुरक्षा, प्रविधि र आधुनिक सुविधालाई प्राथमिकतामा राख्दै आएको कम्पनीको भनाइ छ।

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Onlinekhabar
20h ago
प्रोटोन ईमास-७ ले पायो एसेन एनक्याप अवार्ड्समा सुरक्षा विधाको अन्तर्राष्ट्रिय सम्मान

प्रोटोन ईमास-७ ले पायो एसेन एनक्याप अवार्ड्समा सुरक्षा विधाको अन्तर्राष्ट्रिय सम्मान

३ मंसिर, काठमाडौं । प्रोटोनको विद्युतीय एसयूभी ईमास ७ ले मलेसियामा आयोजित एसेन एनक्याप ग्रान्ड प्रिक्स अवार्ड्स २०२६ मा सुरक्षा विधाअन्तर्गत अन्तर्राष्ट्रिय सम्मान प्राप्त गरेको छ। नोभेम्बर १० मा सम्पन्न अवार्ड समारोहमा ईमास ७ ले …

#सुरक्षा #एनक्याप
Compare →
Ekantipur
1h ago
दसौं राष्ट्रिय खेलकुद: सुरक्षा योजना एकीकृत गर्न र अपुग बजेटको स्पष्ट विवरण दिन मुख्यमन्त्रीको निर्देशन

दसौं राष्ट्रिय खेलकुद: सुरक्षा योजना एकीकृत गर्न र अपुग बजेटको स्पष्ट विवरण दिन मुख्यमन्त्रीको निर्देशन

शुक्रबार सुर्खेतमा आयोजित सुरक्षा समन्वय बैठकमा मुख्यमन्त्री शाहीले नेपाली सेना, नेपाल प्रहरी र सशस्त्र प्रहरी बलका र राष्ट्रिय अनुसन्धान विभागले योजनालाई एकीकृत गरी स्पष्ट कमान्ड र जिम्मेवारीसहितको कार्ययोजना बनाउन निर्देशन दिएका हुन्।

#सुरक्षा
Compare →
Hamro Patro News
2h ago
युक्रेनलाई नेटोसरह सुरक्षा ग्यारेन्टी दिन रुस सहमत हुने कुशनरको विश्वास

युक्रेनलाई नेटोसरह सुरक्षा ग्यारेन्टी दिन रुस सहमत हुने कुशनरको विश्वास

अमेरिकी राष्ट्रपति डोनाल्ड ट्रम्पका विशेष दूत जारेड कुशनरले युद्ध अन्त्यपछि युक्रेनलाई नेटोको धारा ५ सरहको सुरक्षा ग्यारेन्टी दिने प्रस्तावमा रुस सहमत हुन सक्ने विश्वास व्यक्त गर्नुभएको छ । बर्लिन...

#सुरक्षा
Compare →
Nagarik News
2d ago
वैदेशिक रोजगारीमा रहेका नेपालीको सामाजिक सुरक्षा सुनिश्चित गर्न एनआरएनए र सामाजिक सुरक्षा कोषबीच छलफल

वैदेशिक रोजगारीमा रहेका नेपालीको सामाजिक सुरक्षा सुनिश्चित गर्न एनआरएनए र सामाजिक सुरक्षा कोषबीच छलफल

मंगलबार सामाजिक सुरक्षा कोषका निर्देशक रोहित रेग्मी र उनको टोलीसँग एनआरएनएका मध्यपूर्व क्षेत्रीय संयोजक रमेश श्रेष्ठसहितको टोलीले भेटवार्ता गरेको थियो।

#सुरक्षा
Compare →
Arthasansar
6d ago
फिचले नेपालको सार्वभौम रेटिङ ‘BB-’ मा यथावत् राख्यो, आर्थिक वृद्धिदर ५.२ प्रतिशत पुग्ने प्रक्षेपण

फिचले नेपालको सार्वभौम रेटिङ ‘BB-’ मा यथावत् राख्यो, आर्थिक वृद्धिदर ५.२ प्रतिशत पुग्ने प्रक्षेपण

अन्तर्राष्ट्रिय रेटिङ एजेन्सी फिच रेटिङ्सले नेपालको दीर्घकालीन सार्वभौम क्रेडिट रेटिङ ‘BB-’ मै कायम राखेको छ। एजेन्सीले नेपालको रेटिङलाई स्थिर (Stable)...

#रेटिङ
Compare →

Related Stories

Technology
Build #2612