Trending
Prev Story
Next Story

प्रोटोन ई.मास ७ ले जित्यो आसियान एनक्यापको ‘सेफ्टी असिस्ट’ अवार्ड

Bizshala •
November 19, 2026 • 07:34 AM
3
3 reads 0 reactions

काठमाण्डौ । प्रोटोनको विद्युतीय एसयूभी ई.मास ७ ले आसियान एनक्याप ग्रान्ड प्रिक्स अवार्ड्स २०२६ मा ‘सेफ्टी असिस्ट’...

प्रोटोन ई.मास ७ ले जित्यो आसियान एनक्यापको ‘सेफ्टी असिस्ट’ अवार्ड

काठमाण्डौ । प्रोटोनको विद्युतीय एसयूभी ई.मास ७ ले आसियान एनक्याप ग्रान्ड प्रिक्स अवार्ड्स २०२६ मा ‘सेफ्टी असिस्ट’ विधामा सम्मान प्राप्त गरेको छ। मलेसियाको सेपाङमा नोभेम्बर १० मा आयोजित कार्यक्रममा चालक सहायता तथा दुर्घटना न्यूनीकरणमा सहयोग गर्ने सुरक्षा प्रविधिको मूल्यांकनका आधारमा उक्त सम्मान प्रदान गरिएको हो।

ई.मास ७ ले यसअघि सन् २०२४ मा गरिएको आसियान एनक्याप परीक्षणमा समग्रमा ९२.५७ अंकसहित पाँचतारे सुरक्षा रेटिङ प्राप्त गरेको थियो। परीक्षणमा यसको ‘सेफ्टी असिस्ट’तर्फको प्राप्तांक २० पूर्णांकमा २० थियो। परीक्षण गरिएको प्रिमियम भेरियन्टमा स्वचालित आपत्कालीन ब्रेकिङ, लेन किप असिस्ट, अगाडि ठोक्किन सक्ने जोखिमबारे चेतावनी दिने प्रणाली र ब्लाइन्ड स्पट डिटेक्सनलगायत सुरक्षा सुविधा समावेश थिए।

प्रोटोनले मलेसियामा ल्याएको सन् २०२६ को प्रिमियम भेरियन्टमा थप तीन चालक सहायता सुविधा समावेश गरेको छ। यसमा आपत्कालीन अवस्थामा अवरोधबाट जोगिन सहयोग गर्ने इभेसिभ म्यानुभर असिस्ट, अगाडिको आडबाट आउने सवारीबारे चेतावनी दिने फ्रन्ट क्रस ट्राफिक अलर्ट र लेन परिवर्तनमा सहयोग गर्ने एक्टिभ लेन चेन्ज असिस्ट छन्।

बिक्रीतर्फ कम्पनीले सार्वजनिक गरेको विवरणअनुसार सन् २०२६ को जनवरीदेखि अक्टोबरसम्म ई.मास ७ का ५ हजार ५७९ युनिट बिक्री भएका छन्। अक्टोबरमा मात्रै यस मोडलका ६१६ युनिट बिक्री भएका थिए। सोही अवधिमा ई.मास ब्रान्डका पूर्ण विद्युतीय तथा प्लगइन हाइब्रिड मोडलसहित कुल बिक्री ३५ हजार ७३० युनिट पुगेको कम्पनीले जनाएको छ।

नेपालमा ई.मास ७ शंकर ग्रुपअन्तर्गतको जगदम्बा मोटर्समार्फत प्राइम र प्रिमियम गरी दुई भेरियन्टमा उपलब्ध छ। उपलब्ध विवरणअनुसार प्राइम भेरियन्टको मूल्य ४९ लाख ९९ हजार रुपैयाँ र प्रिमियमको ५९ लाख ९९ हजार रुपैयाँ रहेको छ।

प्राइम भेरियन्टमा ४९.५२ किलोवाट आवर क्षमताको ब्याट्री छ। यसले डब्लूएलटीपी परीक्षण मापदण्डअनुसार एकपटकको पूर्ण चार्जमा ३४५ किलोमिटरसम्मको रेन्ज प्रदान गर्छ। प्रिमियममा भने ६०.२२ किलोवाट आवरको ब्याट्री छ र यसको डब्लूएलटीपी रेन्ज ४१० किलोमिटरसम्म रहेको छ।

दुवै भेरियन्टले ११ किलोवाटसम्मको एसी चार्जिङ सपोर्ट गर्छन्। डीसी फास्ट चार्जिङ क्षमता भने प्राइममा ८० किलोवाट र प्रिमियममा १०० किलोवाटसम्म रहेको छ। कम्पनीका अनुसार डीसी फास्ट चार्जिङबाट दुवै भेरियन्टको ब्याट्री करिब २० मिनेटमा ३० प्रतिशतबाट ८० प्रतिशतसम्म चार्ज गर्न सकिन्छ।

ई.मास ७ मा सामान व्यवस्थित राख्न ३३ वटा स्टोरेज कम्पार्टमेन्ट तथा गाडीको ब्याट्रीबाट बाह्य विद्युतीय उपकरण चलाउन मिल्ने भेहिकल टु लोड अर्थात् भीटूएल सुविधा पनि उपलब्ध छ। यसमा रहेको ७ नानोमिटर इन्टेलिजेन्ट ककपिट चिपले नेभिगेसन, भ्वाइस कन्ट्रोल र मनोरञ्जन प्रणाली सञ्चालनमा सहयोग गर्ने कम्पनीले जनाएको छ।

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Onlinekhabar
5d ago
प्रोटोन ई.मास ५ दुई अन्तर्राष्ट्रिय अवार्डबाट सम्मानित

प्रोटोन ई.मास ५ दुई अन्तर्राष्ट्रिय अवार्डबाट सम्मानित

२७ कात्तिक, काठमाडौं । प्रोटोन ‘ई.मास ५’ ले मलेसियामा आयोजित कारलिस्ट डट एमवाई पिपल्स एन्ड एडिटर्स च्वाइस अवार्ड्स २०२६ मा दुई प्रतिष्ठित अवार्ड जित्दै आफ्नो विद्युतीय सवारी यात्रामा अर्को महत्त्वपूर्ण उपलब्धि हासिल गरेको छ । ई.मास …

#मास #प्रोटोन #अवार्ड
Compare →
Ekantipur
2d ago
प्रोटोन ई.मास ५ बन्यो मलेसियाको सर्वाधिक बिक्री हुने ईभी

प्रोटोन ई.मास ५ बन्यो मलेसियाको सर्वाधिक बिक्री हुने ईभी

अक्टोबरमा प्रोटोन ई.मास ५ का २,२६२ वटा सवारी दर्ता भएका छन्, जसले मलेसियाको कुल ईभी बजारको ४९.३ प्रतिशत हिस्सा ओगटेको कम्पनीले जारी गरेकाे विज्ञप्तिमा उल्लेख छ।

#मास #प्रोटोन
Compare →
Nagarik News
2d ago
प्रोटोन ई.मास ५ बन्यो मलेसियाको सर्वाधिक बिक्री हुने ईभी, ओगट्यो झण्डै आधा बजार

प्रोटोन ई.मास ५ बन्यो मलेसियाको सर्वाधिक बिक्री हुने ईभी, ओगट्यो झण्डै आधा बजार

अक्टोबर महिनामा प्रोटोन ई.मास ५ का २,२६२ वटा सवारी दर्ता भएका छन्, जसले मलेसियाको कुल ईभी बजारको ४९.३ प्रतिशत हिस्सा ओगटेको छ।

#मास #प्रोटोन
Compare →
Hamro Patro News
3d ago
आसियान शिखर सम्मेलनमा सहभागी हुन मोदी मनिला जाँदै, ट्रम्प र लुला पनि सहभागी हुने सम्भावना

आसियान शिखर सम्मेलनमा सहभागी हुन मोदी मनिला जाँदै, ट्रम्प र लुला पनि सहभागी हुने सम्भावना

काठमाडौं : भारतीय प्रधानमन्त्री नरेन्द्र मोदी तीनदिने भ्रमणका लागि फिलिपिन्सको राजधानी मनिला जाने भएका छन् । उनले मनिलामा आयोजना हुने आसियान शिखर सम्मेलन र पूर्वी एसिया शिखर सम्मेलनमा सहभागिता जनाउ...

#आसियान
Compare →

Related Stories

Technology
Build #2612