एनपीएलको पहिलो खेलको टिकट सोल्ड आउट

५ कात्तिक, काठमाडौं । नेपाल प्रिमियर लिग (एनपीएल) को तेस्रो संस्करणअन्तर्गत पहिलो खेलका सबै टिकट बिक्री भएका छन्। बिहीबार साँझदेखि बिक्री खुला गरिएको पहिलो खेलको टिकट सोल्ड आउट भएको हो।

खेलका लागि साधारणतर्फको टिकट मूल्य ५०० रुपैयाँ र प्रिमियमतर्फको टिकट मूल्य १ हजार रुपैयाँ तोकिएको थियो। टिकट बिक्री खुला भएको छोटो समयमै सबै टिकट बिक्री भएका हुन्।

एनपीएल कात्तिक ९ देखि मंसिर ५ गतेसम्म सञ्चालन हुनेछ। प्रतियोगिताको पहिलो खेल हेर्न दर्शकले टिकट खरिद गरेसँगै लिगप्रति समर्थकको चासो देखिएको छ।