सप्तरीका प्रमुख जिल्ला अधिकारी श्यामकृष्ण थापाको उपस्थितिमा राजविराज नगरपालिकाका नगरप्रहरी र डोजरको सहयोगमा भूमि प्रशासनले आफ्नो हाताभित्र बनाइएका संरचना हटाएको हो।
राजविराज — भूमि प्रशासन कार्यालय (मालपोत) राजविराजको हाताभित्र अतिक्रमण गरी लेखापढी व्यवसायीले निर्माण गरेको घरसहितका संरचना आइतबार साँझ हटाइएको छ।
सप्तरीका प्रमुख जिल्ला अधिकारी श्यामकृष्ण थापाको उपस्थितिमा राजविराज नगरपालिकाका नगरप्रहरी र डोजरको सहयोगमा भूमि प्रशासनले आफ्नो हाताभित्र बनाइएका संरचना हटाएको हो। यसले प्रत्यक्ष रूपमा कार्यालयभित्र हुने बिचौलियाको पहुँच बन्द हुने अपेक्षा गरिएको प्रमुख जिल्ला अधिकारी थापाले बताए।
यस्तै, राजविराज नगरपालिकाले अड्डा लाइनसहित नगर क्षेत्रको अतिक्रमण गरिएको फुटपाथ खाली गराउने कामलाई निरन्तरता दिएको जनाएको छ। कार्यवाहक नगरप्रमुख इसरत परविणका अनुसार पटकपटक फुटपाथ खाली गर्न जारी गरिएको सूचनालाई बेवास्ता गरिएपछि बाध्य भएर नगरप्रहरी र डोजर लगाएर फुटपाथ खाली गराउन थालिएको हो।
आरएन विश्वास कान्तिपुर मिडिया ग्रुपका सप्तरी संवाददाता हुन् ।