Trending
Prev Story
Next Story

अमेरिकी पूर्वराष्ट्रपति जर्ज वासिङ्टनको कपालको एक झुप्पो ४ हजार डलरमा बिक्री

Bizshala •
November 22, 2026 • 03:07 AM
2
2 reads 0 reactions

काठमाडौँ। अमेरिकाका प्रथम राष्ट्रपति जर्ज वासिङ्टनको कपालको एक झुप्पो लिलामीमा ४ हजार अमेरिकी डलरमा बिक्री भएको...

अमेरिकी पूर्वराष्ट्रपति जर्ज वासिङ्टनको कपालको एक झुप्पो ४ हजार डलरमा बिक्री

काठमाडौँ। अमेरिकाका प्रथम राष्ट्रपति जर्ज वासिङ्टनको कपालको एक झुप्पो लिलामीमा ४ हजार अमेरिकी डलरमा बिक्री भएको छ।

फ्रेममा सजाएर राखिएको उक्त कपाल सन् १७९९ मा वासिङ्टनलाई उनको निधन हुनुअघि रात्रिभोजमा आतिथ्य प्रदान गर्ने जोन ग्याड्सबीको स्वामित्वमा थियो। पछि ग्याड्सबीका एक वंशजबाट सङ्कलक जोन के. ल्याटिमरले उक्त कपाल प्राप्त गरेका थिए। लिलामी गर्ने संस्था रिचमन्ड अक्सन्सका अनुसार कपालका नयाँ मालिकको नाम भने सार्वजनिक गरिएको छैन।

शनिबार भएको लिलामी वासिङ्टनको कपाल बिक्री भएको सबैभन्दा महँगो लिलामी भने होइन। सन् २०२१ मा उनको निधन हुनुअघि वा निधनपछि काटिएको मानिएका कपालका तीनवटा रौँ राखिएको एउटा लकेट झन्डै ४० हजार डलरमा बिक्री भएको थियो।

ग्याड्सबी सन् १७९९ मा भर्जिनिया राज्यको एलेक्जान्ड्रिया सहरका बासिन्दा थिए। उनले सोही वर्ष निधन हुनुभन्दा केही समयअघि वासिङ्टनलाई रात्रिभोजमा आमन्त्रण गरेका थिए। रिचमन्ड अक्सन्सको वेबसाइटमा प्रकाशित सन् १९२८ को एक लिखित बयानमा ग्याड्सबीकी नातिनी जुलिया टेन आइक म्याकब्लेयरले यसबारे उल्लेख गरेकी छन्।

म्याकब्लेयरका अनुसार आफ्ना हजुरबुबाले वासिङ्टनसँगको मित्रता र जीवनको अन्तिम समयको सम्बन्धका कारण उनको कपाल प्राप्त गरेका थिए। उनले उक्त कपाललाई फ्रेममा सजाएर आफ्नो घरमा वासिङ्टनको तस्बिरमुनि झुन्ड्याएका थिए।

म्याकब्लेयरले बयानमा भनेकी छन्, “उहाँले उक्त कपाललाई फ्रेममा सजाएर वासिङ्टनको तस्बिरमुनि हाम्रो वासिङ्टन सहरस्थित घरमा झुन्ड्याउनुभएको थियो। मैले आफ्नो जीवनभरि नै त्यसलाई त्यहाँ देखेकी छु।”

रिचमन्ड अक्सन्सका अनुसार ग्याड्सबीले सन् १७९८ र १७९९ मा वासिङ्टनको जन्मदिनका अवसरमा आयोजित दुवै समारोहमा आतिथ्य प्रदान गरेका थिए।

वासिङ्टनले अमेरिकी स्वतन्त्रता सङ्ग्राममा बेलायती सेनाविरुद्ध अमेरिकी फौजको नेतृत्व गर्दै विजय हासिल गरेका थिए। उनले अमेरिकी संविधान निर्माणमा पनि महत्त्वपूर्ण भूमिका खेलेका थिए। सन् १७८८ मा अमेरिकाको पहिलो राष्ट्रपति बनेका वासिङ्टनले दुई कार्यकाल पूरा गरेपछि सन् १७९७ मा पदत्याग गरेका थिए।

वासिङ्टनका कपालका विभिन्न झुप्पा अहिले पनि सुरक्षित राखिएका छन्। तीमध्ये कम्तीमा ५० वटा नमुना उनको पूर्वनिवास माउन्ट भर्ननमा रहेको सङ्ग्रहमा छन्। उक्त स्थान अहिले सङ्ग्रहालयका रूपमा सञ्चालनमा छ।

माउन्ट भर्ननको वेबसाइटमा प्रकाशित एक ब्लगमा भनिएको छ, “मित्र वा प्रियजनको कपाल सार्वजनिक रूपमा प्रदर्शन गर्ने चलन १९औँ शताब्दीमा उत्कर्षमा पुगेको थियो। तर वासिङ्टन परिवारजस्ता सम्पन्न परिवारमा यो परम्परा त्यसभन्दा धेरै अघिदेखि लोकप्रिय थियो।”

वासिङ्टनसँग सम्बन्धित कपालका झुप्पा मात्र होइन, अन्य सामग्रीले पनि लिलामीमा राम्रो मूल्य पाएका छन्।

गत जुलाईमा सन् १७७६ मा वासिङ्टनले हस्ताक्षर गरेको एउटा पत्र १ लाख ९ हजार ८०० डलरमा बिक्री भएको थियो। उक्त पत्रमा उनले बेलायती सेनाविरुद्ध लड्न कन्टिनेन्टल आर्मीका लागि सैनिक उपलब्ध गराइदिन आग्रह गरेका थिए।

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Ekantipur
4m ago
पहिलो अमेरिकी राष्ट्रपति वासिङ्टनको कपालको एक झुप्पा ४ हजार डलरमा बिक्री

पहिलो अमेरिकी राष्ट्रपति वासिङ्टनको कपालको एक झुप्पा ४ हजार डलरमा बिक्री

फ्रेममा सुरक्षित राखिएको ऐतिहासिक कपालका खरिदकर्ताको नाम सार्वजनिक गरिएको छैन, जबकि अन्य नमुना यसअघि अझ महँगोमा बिक्री भएका थिए।

#कपाल #वासिङ्टन #बिक्री
Compare →
Arthasansar
23h ago
एनपीएल फाइनलको टिकट बिक्री विवादमा क्यानको स्पष्टीकरण, एकैपटक २ लाखले खोजेका थिए टिकट

एनपीएल फाइनलको टिकट बिक्री विवादमा क्यानको स्पष्टीकरण, एकैपटक २ लाखले खोजेका थिए टिकट

नेपाल प्रिमियर लिग (एनपीएल) को फाइनल खेलको टिकट बिक्रीलाई लिएर समर्थकबाट प्रश्न उठेपछि नेपाल क्रिकेट संघ (क्यान) ले स्पष्टीकरण दिएको...

#बिक्री
Compare →
Hamro Patro News
23h ago
शैक्षिक सम्मेलनबाट फर्किएकी प्रिन्सटनकी २४ वर्षीया विद्यार्थी अमेरिकी अध्यागमनको नियन्त्रणमा

शैक्षिक सम्मेलनबाट फर्किएकी प्रिन्सटनकी २४ वर्षीया विद्यार्थी अमेरिकी अध्यागमनको नियन्त्रणमा

अमेरिकाको प्रतिष्ठित प्रिन्सटन विश्वविद्यालयमा विद्यावारिधि (पीएचडी) गरिरहेकी २४ वर्षीया अनुसन्धानकर्ता इभा यी सिएलाई अमेरिकी आप्रवासन तथा भन्सार प्रवर्तन निकाय (आईसीई) ले विमानस्थलबाटै नियन्त्रणमा...

#अमेरिकी
Compare →
Nagarik News
1d ago
इरानसँगको युद्धमा अमेरिकाको ४८.३ अर्ब डलर खर्च

इरानसँगको युद्धमा अमेरिकाको ४८.३ अर्ब डलर खर्च

इरानसँग जारी युद्धमा अमेरिकाले हालसम्म ४८ अर्ब ३० करोड अमेरिकी डलर खर्च गरेको छ।

#अमेरिकी #डलर
Compare →
Onlinekhabar
2d ago
डलरको भाउ घट्यो, युरो, पाउन्ड र स्वीस फ्र्यांकको बढ्यो

डलरको भाउ घट्यो, युरो, पाउन्ड र स्वीस फ्र्यांकको बढ्यो

४ मंसिर, काठमाडौं । नेपाल राष्ट्र बैंकले निर्धारण गरेको विदेशी मुद्राको विनिमयदर अनुसार आज अमेरिकी डलरको भाउ घटेको छ । युरो, पाउन्ड र स्वीस फ्र्यांकको भाउ भने बढेको छ । राष्ट्र बैंकका अनुसार आज अमेरिकी डलर …

#अमेरिकी #डलर
Compare →

Related Stories

Sports
Build #2612