ना १ ज २१४३ नम्बरको सुमो सडकबाट करिब १० मिटर तल खसेपछि दुर्घटनामा ज्यान गुमाउनेमध्ये एक महिला चिनिएकी छन्।
मकवानपुर — मकवानपुरको भीमफेदी गाउँपालिका–१ भैंसेमा भएको सुमो दुर्घटनामा मृत्यु भएका ३ जनामध्ये एक जनाको पहिचान खुलेको छ ।
मृत्यु हुनेमा रौतहटको चन्द्रनिगाहपुर नगरपालिका–४ की २२ वर्षीया जेसिका तिमिल्सिना रहेकी छन् ।
दुर्घटनामा मृत्यु भएका अन्य २ जनाको भने पहिचान खुल्न बाँकी रहेको प्रहरीले जनाएको छ । आफन्त आएपछि मात्रै उनीहरूको पहिचान खुल्ने जिल्ला प्रहरी कार्यालय मकवानपुरले जनाएको छ ।
रौतहटको चन्द्रनिगाहपुरबाट काठमाडौं आउँदै गरेको ना १ ज २१४३ नम्बरको सुमो बिहीबार बिहान भीमफेदी–१ भैंसेस्थित घुम्तीबाट करिब १० मिटर तल भैंसे खोलामा खसेर दुर्घटना भएको थियो ।
दुर्घटनामा ३ जनाको मृत्यु भएको छ भने ७ जना घाइते भएका छन् ।
सुवास विडारी कान्तिपुरका मकवानपुर संवाददाता हुन् ।