कर्णाली याक्सले दक्षिण अफ्रिकाका चर्चित ब्याटर डेभिड मिलर, पाकिस्तानका अलराउन्डर हुसेन तलात र स्कटल्यान्डका मार्क वाटलाई विश्वको सर्वोच्च शिखर सगरमाथाको आधार शिविरको भ्रमण गराएको हो ।
काठमाडौँ — कर्णाली याक्सबाट नेपाल प्रिमियर लिग खेलेका तीन विदेशी खेलाडीले सगरमाथा आधार शिविरको अवलोकन गरेका छन् ।
कर्णाली याक्सले दक्षिण अफ्रिकाका चर्चित ब्याटर डेभिड मिलर, पाकिस्तानका अलराउन्डर हुसेन तलात र स्कटल्यान्डका मार्क वाटलाई विश्वको सर्वोच्च शिखर सगरमाथाको आधार शिविरको भ्रमण गराएको हो ।
मिलरले विश्वको सर्वोच्च शिखरको अनुभव निकै रमाइलो र अविस्मरणीय भएको बताएका छन् ।
कर्णाली याक्स स्पोर्ट्स प्रालिका अध्यक्ष गृहेन्द्र घिमिरेले नेपालमा पर्यटन प्रवर्द्धन गर्न विश्वस्तरीय खेलाडी अनुबन्ध गरेको र सोहीअनुसार तीन खेलाडीलाई आधार शिविरमा लगिएको बताएका छन् । ‘नेपालको पर्यटन प्रवर्द्धनमा टेवा पुग्छ भनेर नै हामीले विश्वचर्चित डेभिड मिलरजस्ता खेलाडीलाई एनपीएलमा ल्याएका हौं । सोहीअनुसार टिममा आबद्ध खेलाडीलाई हामीले आधार शिविर अवलोकन गराएका छौं ।’
यसअघि काठमाडौं गोर्खाजका अस्ट्रेलियन खेलाडी डेभिड वार्नरले पनि सगरमाथा आधार शिविरको भ्रमण गरेका थिए ।
