बुढीगण्डकी नदीपारि खस्यो ठूलो पहिरो, गोरखाको उत्तरी क्षेत्रमा जोखिम बढ्दो

गोरखा- गोरखाको धार्चे गाउँपालिका–१ ठाडोभर्याङ क्षेत्रमा शनिवार बिहान ठूलो सुख्खा पहिरो खसेको छ । बुढीगण्डकी नदीपारि पर्ने क्षेत्रमा बिहान करिब साढे ८ बजे पहिरो खसेको हो ।

अधिकारीहरुका अनुसार ठाडोभर्याङतर्फ ठूलो पहिरो खसेको छ भने यारुबगरको क्यान्टिलिभर पुल आसपास पनि पहिरो गएको छ । पहिरोले ठूलो क्षेत्र ओगटे पनि मानवीय तथा भौतिक क्षति भएको कुनै विवरण प्राप्त नभएको गोरखाका प्रमुख जिल्ला अधिकारी धर्मेन्द्रकुमार मिश्रले नेपाल न्यूज बैंकलाइ जानकारी दिए । ‘पहिरो गएको खबर आएको छ, तर अहिलेसम्म कुनै क्षतिको विवरण प्राप्त भएको छैन,’ उनले भने ।

स्रोतमा पूरा पढ्नुहोस् ( kalakarmi.com )