नेपाली कांग्रेसका सभापति गगन थापाले कुकुर तिहारको अवसरमा नेपालीहरूलाई शुभकामना दिएका छन्।
थापाको सचिवालयले सामाजिक सञ्जालमार्फत कुकुर पूजाका केही तस्बिर सार्वजनिक गर्दै प्रकृति र प्राणीप्रतिको सम्मान नेपाली संस्कार र संस्कृतिको महत्त्वपूर्ण विशेषता भएको सन्देश दिएको छ।
सचिवालयले लेखेको छ, ‘प्रकृति र प्राणीप्रतिको सम्मानलाई आफ्नै संस्कार र उत्सवमा समेट्ने हाम्रो नेपाली मौलिकता वास्तवमै विशिष्ट छ।’
हिन्दु धर्मावलम्बीहरूले तिहारमा कुकुरको पूजा गरी मीठा परिकार खुवाएर कुकुर तिहार मनाउँछन्। कुकुरलाई इमानदार र बफादार साथीका रूपमा सम्मान गर्ने गरिन्छ।
प्रकाशित: २२ कार्तिक २०८३ १५:०७ आइतबार
