फुटबलकाे माध्यम बनाएर महिलालाई फुटबल प्रशिक्षक बन्न, नेतृत्व सीप विकास गर्न र आफ्ना समुदायमा सक्रिय बनाउन प्रशिक्षण दिइएकाे थियाे ।
काठमाडौँ — दी वी युनाइटेड प्रोजेक्ट न्यूजिल्यान्ड दूतावाससँगको साझेदारीमा दी वी कोच परियोजना सुरु गरेको छ ।
यो परियोजनाले फुटबलकाे माध्यम बनाएर युवा महिलालाई फुटबल प्रशिक्षक बन्न, नेतृत्व सीप विकास गर्न र आफ्ना समुदायमा सक्रिय सहभागी बन्न सहयोग गरिने जनाइएको छ ।
ललितपुरमा ९ देखि १३ कात्तिकदेखि पाँच दिने आवासीय सिविर भएको थियो । ललितपुर र तनहुँका नौ युवा महिलालाई फुटबल प्रशिक्षक बन्ने तालिम दिइएको आयोजकले जनाएको छ । सिविरमा फुटबल सीप, नेतृत्व विकास, प्राथमिक उपचार, फिजियोथेरापी र महिनावारी स्वास्थ्य व्यवस्थापन सम्बन्धी सत्रहरू सञ्चालन भएको थियो ।
आगामी आठ महिनामा तालिमप्राप्त प्रशिक्षकहरूले आफ्ना समुदायका विद्यालयहरूमा बालिका फुटबल टिम गठन गर्नेछन् । त्यसमा ९० भन्दा बढी युवा महिलाको प्रत्यक्ष सहभागिता हुने आयोजकको अपेक्षा छ ।
राष्ट्रिय महिला फुटबल टोलीकी पूर्व कप्तान तथा महिला राष्ट्रिय यू-१९ टोलीकी प्रशिक्षक अनु लामाले प्राविधिक सत्र सञ्चालन गरेकी थिइन् । उनले वार्मअप किन महत्वपूर्ण हुन्छ, पासिङ, रिसिभिङ, सुटिङ जस्ता विभिन्न प्राविधिक पक्षमा जानकारी गराइन् । उनले विभिन्न प्रकारका अभ्यासहरु र सवैभन्दा महत्वपूर्ण उमेर समूहअनुसार कसरी खेल्ने, कसरी सिकाउने र प्रशिक्षण दिने भन्ने कुरामा प्रशिक्षण दिइन् ।
यल फिजीकोरकी विज्ञ कृतिका शाक्यले प्राथमिक उपचार, आपतकालिन् स्थिति सम्हाल्ने तरिका र फिजियोथेरापीबारे कार्यशाला सञ्चालन गरिन् ।
आठ महिनामा तयार टिमबीच फुटबल प्रतियोगिता गरिने आयोजकले जनाएको छ ।का नौ युवा महिलालाई फुटबल प्रशिक्षक बन्ने तालिम दिइएको आयोजकले जनाएको छ । सिविरमा फुटबल सीप, नेतृत्व विकास, प्राथमिक उपचार, फिजियोथेरापी र महिनाबारी स्वास्थ्य व्यवस्थापन सम्बन्धी सत्रहरू सञ्चालन भएको थियो । आठ महिनामा तयार टिमबीच फुटबल प्रतियोगिता गरिने आयोजकले जनाएको छ ।
