काठमाडौँ । अमेरिकी राष्ट्रपति डोनाल्ड ट्रम्पले ब्राजिलमा हालै सम्पन्न राष्ट्रपतीय निर्वाचनमा वामपन्थी नेता लुइज इनासियो लुला दि सिल्भा विजयी भएको नतिजाप्रति संशय व्यक्त गर्दै चुनावमा धाँधली भएको हुन सक्ने बताएका छन्। सोमबार पत्रकारहरूसँग कुरा गर्दै राष्ट्रपति ट्रम्पले कुनै प्रमाण प्रस्तुत नगरी यो निर्वाचन पनि धाँधलीयुक्त जस्तै देखिएको टिप्पणी गरेका हुन्। निर्वाचन पूर्ण रूपमा निर्विवाद हुनुपर्नेमा यो निकै खराब देखिएको भन्दै उनले असन्तुष्टि जनाएका छन्।
ब्राजिलमा आइतबार भएको राष्ट्रपतीय निर्वाचनमा लुलाले दक्षिणपन्थी उम्मेदवार फ्लाभियो बोल्सोनारोलाई ४० लाखभन्दा बढी मतको फराकिलो अन्तरले पराजित गरेका थिए। पराजित उम्मेदवार एवम् पूर्वराष्ट्रपति जाइर बोल्सोनारोका छोरा फ्लाभियोले सुरुमा मतदानको समय दुई घण्टा थप्ने सर्वोच्च अदालतको निर्णयमाथि प्रश्न उठाउँदै नतिजा रद्द गर्न माग गरेका थिए। यद्यपि, सोमबार उनको लिबरल पार्टीका प्रमुख भाल्देमार कोस्टा नेटोले उठाइएका प्रश्नहरूको निरूपण हुनुपर्ने जनाए पनि निर्वाचन परिणाम स्वीकार गर्ने स्पष्ट पारिसकेका छन्। तथ्यांकअनुसार थपिएको समयमा कुल मतको करिब ०.०३ प्रतिशत अर्थात् ३५ हजारभन्दा कम मात्र मत खसेकाले सो निर्णयले नतिजामा खासै असर नपुर्याएको विश्लेषण गरिएको छ।
स्रोतमा पूरा पढ्नुहोस् ( nepalviews.com )
