Trending
Prev Story
Next Story

बालेनको भारत भ्रमणबारे भारतीय मिडियाले के लेखे ?

Onlinekhabar •
November 20, 2026 • 12:00 PM
3
3 reads 0 reactions

६ मंसिर, काठमाडौं । प्रधानमन्त्री बालेन्द्र शाहको दुईदिने भारत भ्रमणलाई भारतीय सञ्चारमाध्यमले नेपाल–भारत सम्बन्धमा नयाँ मोड र सहकार्य विस्तारको अवसरका रूपमा व्याख्या गरेका छन् । केही भारतीय सञ्चारमाध्यमले भ्रमणलाई विगतको कूटनीतिक दूरी घटाउने प्रयासका रूपमा हेरेका …

बालेनको भारत भ्रमणबारे भारतीय मिडियाले के लेखे ?

६ मंसिर, काठमाडौं । प्रधानमन्त्री बालेन्द्र शाहको दुईदिने भारत भ्रमणलाई भारतीय सञ्चारमाध्यमले नेपाल–भारत सम्बन्धमा नयाँ मोड र सहकार्य विस्तारको अवसरका रूपमा व्याख्या गरेका छन् ।

केही भारतीय सञ्चारमाध्यमले भ्रमणलाई विगतको कूटनीतिक दूरी घटाउने प्रयासका रूपमा हेरेका छन् भने केहीले यसलाई भारतप्रति नेपालको नीतिगत दृष्टिकोणमा आएको बदलावको संकेत मानेका छन् ।

शनिबार प्रकाशित द इकोनोमिक टाइम्सको रिपोर्टले बालेनको भारत भ्रमणलाई ‘भारतप्रति नीतिगत बदलाव’को संकेतका रूपमा व्याख्या गरेको छ । प्रधानमन्त्री बनेपछि सुरुमा विदेश भ्रमण नगर्ने र भारतीय विदेश सचिवसँग भेट नगर्ने निर्णय गरेका शाह अहिले नेपालको पूर्वाधार र आर्थिक विकासका लागि भारतसँग सहकार्य विस्तार गर्न इच्छुक देखिएको रिपोर्टमा उल्लेख छ ।

रिपोर्टका अनुसार भारत भ्रमणका क्रममा दुवै प्रधानमन्त्रीले ऊर्जा तथा कनेक्टिभिटीसँग सम्बन्धित परियोजनाको उद्घाटन गर्ने, नयाँ परियोजनाको शिलान्यास गर्ने र संयुक्त दृष्टिपत्र सार्वजनिक गर्ने तयारी छ। स्टार्टअप, प्रविधि, नवप्रवर्तन तथा खेलकुदजस्ता नयाँ क्षेत्रको सहकार्य पनि छलफलमा समेटिने अपेक्षा गरिएको छ ।

नेपालले भारतसँग थप हवाई मार्ग उपलब्ध गराउन पनि आग्रह गर्ने तयारी गरेको रिपोर्टमा उल्लेख छ । पोखरा र भैरहवा विमानस्थलबाट अन्तर्राष्ट्रिय उडान सञ्चालन गर्न भारतीय हवाई क्षेत्रको प्रयोगसम्बन्धी अनुमति नेपालले खोजिरहेको छ ।

नेपालले भारतसँग २ अर्ब अमेरिकी डलरको आर्थिक सहयोग प्याकेज माग गरेको विषय पनि द इकोनोमिक टाइम्सले उल्लेख गरेको छ । उक्त प्याकेजमा ऊर्जा तथा अन्य पूर्वाधारका लागि ऋण, सिद्धार्थ राजमार्ग स्तरोन्नति र बाढीपछिको पुनर्निर्माणका लागि अनुदान समेटिएको बताइएको छ ।

द इन्डियन एक्सप्रेसले शनिबार प्रकाशित रिपोर्टमा प्रधानमन्त्री शाहको भारत भ्रमणका एजेन्डामा व्यापार तथा वाणिज्य, विकास साझेदारी, ऊर्जा तथा जलस्रोत, भौतिक तथा डिजिटल कनेक्टिभिटी, प्रविधि तथा नवप्रवर्तन र खेलकुदलगायतका विषय रहेको जनाएको छ ।

अखबारका अनुसार बालेनको भ्रमणले दुई देशबीच नियमित उच्चस्तरीय आदानप्रदानको परम्परालाई निरन्तरता दिने र भारतको ‘नेबरहुड फर्स्ट’ (छिमक पहिलो) नीतिअन्तर्गत नेपालसँगको सम्बन्धलाई महत्त्व दिएको जनाएको छ ।

टाइम्स अफ इन्डियाले पनि शनिबार प्रकाशित रिपोर्टमा मोदी र बालेनबीच भारत–नेपाल सम्बन्धका समग्र पक्ष तथा क्षेत्रीय र अन्तर्राष्ट्रिय विषयमा छलफल हुने जनाएको छ । भ्रमणका क्रममा ऊर्जा परियोजनाको उद्घाटन, द्विपक्षीय सम्झौता र सहयोगका विभिन्न विषयमा छलफल हुने रिपोर्टमा उल्लेख छ ।

सम्बन्धलाई इतिहासभन्दा भविष्यतर्फ लैजानुपर्ने तर्क

भारतीय सञ्चारमाध्यममा समाचारसँगै विचार लेखमा पनि बालेनको भ्रमणलाई सम्बन्ध सुधारको अवसरका रूपमा प्रस्तुत गरिएको छ ।

द प्रिन्टमा शनिबार प्रकाशित एक लेखमा विगतका विवादभन्दा भविष्यको सहकार्यलाई प्राथमिकता दिनुपर्ने तर्क गरिएको छ ।

लेखमा भ्रमणले दुई देशबीच सम्बन्ध सामान्यीकरण गर्ने र विवाद समाधानका लागि संवादलाई सहज बनाउने अवसर प्रदान गर्न सक्ने उल्लेख छ । साथै प्रबुद्ध व्यक्ति समूह (ईपीजी) को प्रतिवेदन, पञ्चेश्वर बहुउद्देश्यीय परियोजना, गोर्खा भर्ती, सीमा विवाद र भारतीय नोटको समस्या जस्ता लामो समयदेखि अल्झिएका विषयलाई संवादबाट अघि बढाउनुपर्ने सुझाव दिइएको छ ।

सो लेखले दुई देशबीच नियमित उच्चस्तरीय संवादलाई संस्थागत गर्दै नयाँ पुस्ताको आवश्यकता अनुरूप डिजिटल कनेक्टिभिटी, प्रविधि, डेटा सहकार्य र शैक्षिक साझेदारी विस्तार गर्नुपर्नेमा जोड दिएको छ ।

साथै एउटा भ्रमणले सबै विवाद समाधान गर्न नसके पनि नियमित संवाद र व्यवहारिक सहकार्यले सम्बन्धमा सुधार ल्याउन सक्ने उल्लेख गरिएको छ ।

इनेडिया टुडेले बालेनको भारत भ्रमणलाई विगतमा देखिएका कूटनीतिक असहजताका बीच सम्बन्ध सुधारको प्रयासका रूपमा प्रस्तुत गरेको छ ।

अखबारले भारत र नेपालबीच कालापानी, लिपुलेक र लिम्पियाधुराको सीमा विवाद रहेको उल्लेख गर्दै गत मे महिनामा बालेनले सीमा विवाद समाधानमा चीन र बेलायतको भूमिका खोजेको विषयपछि भारतले तेस्रो पक्षको संलग्नता अस्वीकार गरेको घटनालाई स्मरण गरेको छ ।

दुई देशबीचको सम्बन्धमा सीमा विवादसँगै व्यापार, पारवहन र अन्य विषयमा सहकार्य तथा मतभेद दुवै रहेको रिपोर्टमा उल्लेख छ ।

नेपालको बाढी प्रभावित क्षेत्रमा पुनर्निर्माण, आर्थिक सहायता, व्यापार, पारवहन, ऊर्जा र कनेक्टिभिटीसम्बन्धी सहकार्य विस्तारका विषय पनि भ्रमणका महत्त्वपूर्ण एजेन्डा बन्ने अपेक्षा गरिएको छ ।

प्रधानमन्त्री शाहको यो भारत भ्रमणलाई भारतीय सञ्चारमाध्यमले विशेष चासोका साथ हेरेका छन् । विगतको कूटनीतिक असहजता हटाएर आर्थिक तथा विकास साझेदारीलाई व्यवहारिक परिणाममा पुर्‍याउने अवसरका रूपमा भ्रमणलाई व्याख्या गरिएको छ ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Hamro Patro News
23h ago
प्रधानमन्त्री बालेनको भारत भ्रमणबारे के भन्दै छन् भारतीय पत्रकार र मिडिया ?

प्रधानमन्त्री बालेनको भारत भ्रमणबारे के भन्दै छन् भारतीय पत्रकार र मिडिया ?

प्रधानमन्त्री वालेन्द्र शाह(वालेन)को आसन्न भारत भ्रमणलाई नेपालमा जति अभिरुचीपूर्वक हेरिएको छ, भारतमा पनि यो आसन्न भ्रमण त्यतिकै चासोको विषय बनेको छ । भारतीय अग्रज सञ्चारकर्मी तथा पत्रकारहरुले नेपाल...

#बालेन-शाह #भारत #भारतीय
Compare →
Nagarik News
58m ago
राजकीय भ्रमणका लागि भारत जान लागेका प्रधानमन्त्री शाहलाई राज्यमन्त्रीले स्वागत गर्ने

राजकीय भ्रमणका लागि भारत जान लागेका प्रधानमन्त्री शाहलाई राज्यमन्त्रीले स्वागत गर्ने

प्रधानमन्त्री बालेन्द्र शाह भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा भारतको दुईदिने राजकीय भ्रमणका लागि आज दिउँसो नयाँ दिल्ली प्रस्थान गर्दै छन्।

#बालेन-शाह #भारत #भारतीय
Compare →
Arthasansar
20h ago
बालेनको भारत भ्रमणमा नेपालको पूँजी बजारको प्रतिनिधित्व गर्दै सागर ढकाल

बालेनको भारत भ्रमणमा नेपालको पूँजी बजारको प्रतिनिधित्व गर्दै सागर ढकाल

प्रधानमन्त्री बालेन्द्र शाहको दुईदिने राजकीय भारत भ्रमणमा नेपालको पूँजी बजार क्षेत्रको प्रतिनिधित्व गर्दै स्टक ब्रोकर एसोसिएसन अफ नेपालका अध्यक्ष सागर...

#बालेन-शाह #भारत #भ्रमण
Compare →
Bizshala
1h ago
प्रधानमन्त्री भारतको राजकीय भ्रमणमा जाँदै, व्यापारका विषयमा छलफल हुने

प्रधानमन्त्री भारतको राजकीय भ्रमणमा जाँदै, व्यापारका विषयमा छलफल हुने

काठमाडौँ। प्रधानमन्त्री वालेन्द्र (बालेन) शाह भारतीय प्रधानमन्त्री नरेन्द्र मोदीको निमन्त्रणामा आज दिउँसो दुईदिने...

#बालेन-शाह #भारतीय #भ्रमण
Compare →
Ekantipur
21h ago
प्रधानमन्त्री शाहको भारत भ्रमणमा हुने व्यापारिक छलफलमा भारतीय मन्त्री सहभागी नहुने

प्रधानमन्त्री शाहको भारत भ्रमणमा हुने व्यापारिक छलफलमा भारतीय मन्त्री सहभागी नहुने

नेपालमा भारतीय लगानी बढाउने विषयलाई भ्रमणको प्रमुख कार्यसूचीमध्ये एक बनाइएका बेला छलफलमा भारतीय मन्त्रीको सहभागिता नहुने भएको हो ।

#भारतीय #भ्रमण #भारत
Compare →

Related Stories

World News
Build #2612