Trending
Prev Story
Next Story

प्रधानमन्त्री शाहको भारत भ्रमणमा हुने व्यापारिक छलफलमा भारतीय मन्त्री सहभागी नहुने

Ekantipur •
November 21, 2026 • 06:32 AM
4
4 reads 0 reactions

नेपालमा भारतीय लगानी बढाउने विषयलाई भ्रमणको प्रमुख कार्यसूचीमध्ये एक बनाइएका बेला छलफलमा भारतीय मन्त्रीको सहभागिता नहुने भएको हो ।

प्रधानमन्त्री शाहको भारत भ्रमणमा हुने व्यापारिक छलफलमा भारतीय मन्त्री सहभागी नहुने

नेपालमा भारतीय लगानी बढाउने विषयलाई भ्रमणको प्रमुख कार्यसूचीमध्ये एक बनाइएका बेला छलफलमा भारतीय मन्त्रीको सहभागिता नहुने भएको हो ।

काठमाडौँ — प्रधानमन्त्री वालेन्द्र शाहको भारतको राजकीय भ्रमणका क्रममा नयाँदिल्लीमा आइतबार आयोजना हुने नेपाल–भारत व्यापारिक छलफलमा भारतीय सरकारका कुनै पनि मन्त्री सहभागी नहुने भएका छन् । नेपालमा भारतीय लगानी बढाउने विषयलाई भ्रमणको प्रमुख कार्यसूचीमध्ये एक बनाइएका बेला यस्तो छलफलमा भारतीय मन्त्रीको सहभागिता नहुने भएको हो ।

नेपाल सरकारले दक्षिणी छिमेकीसँग आर्थिक सम्बन्ध सुदृढ गर्दै मुलुकको विकास प्राथमिकताका क्षेत्रमा भारतीय लगानी भित्र्याउन खोजिरहेका बेला व्यापारिक छलफलमा भारतीय मन्त्रीको प्रतिनिधित्व नहुने भएको छ ।

छलफलमा नेपालका अर्थमन्त्री स्वर्णिम वाग्ले र परराष्ट्रमन्त्री शिशिर खनालले सम्बोधन गर्ने कार्यक्रम छ । प्रस्तावित कार्यक्रमअनुसार वाग्लेले मुख्य मन्तव्य र खनालले विशेष मन्तव्य दिनेछन् ।

भारतीय उद्योग परिसंघ (सीआईआई) र नेपाल उद्योग वाणिज्य महासंघ (एफएनसीसीआई) को सहभागितामा उक्त गोलमेच छलफल आयोजना हुन लागेको हो । नयाँदिल्लीस्थित ताजमहल होटलमा हुने कार्यक्रममा दुवै देशका उद्योगी तथा व्यवसायी सहभागी हुनेछन् ।

कार्यक्रममा सीआईआईको अन्तर्राष्ट्रिय परिषद्का सहअध्यक्ष तथा सन इन्टरनेसनल लिमिटेडका अध्यक्ष विक्रमजित सिंह साहनी, एफएनसीसीआईका अध्यक्ष अञ्जन श्रेष्ठ, महासंघकी पूर्वअध्यक्ष तथा नेपाल–भारत संयुक्त व्यापार मञ्चकी सहअध्यक्ष भवानी राणा र लगानी बोर्ड नेपालकी प्रमुख कार्यकारी अधिकृत याङ्की उक्याबले पनि मन्तव्य राख्ने कार्यक्रम छ । त्यस्तै, दुवै देशका उद्योगी तथा व्यवसायीले छलफलमा आफ्ना धारणा राख्नेछन् ।

नेपाली प्रधानमन्त्रीको राजकीय भ्रमणकै क्रममा आयोजना हुन लागेको लगानीकेन्द्रित व्यापारिक छलफलमा भारतीय मन्त्रीको अनुपस्थितिले दुई देशबीचको राजनीतिक तहमा आर्थिक सहकार्यका विषयले कति प्राथमिकता पाएको छ भन्ने प्रश्न उठाएको छ । कूटनीतिक सम्बन्धलाई ठोस आर्थिक सहकार्य र सीमापार लगानीमा रूपान्तरण गर्न खोजिरहेका बेला यस्तो अनुपस्थितिलाई अर्थपूर्ण रूपमा हेरिएको छ ।

प्रधानमन्त्री शाहको भ्रमण टोलीमा ३४ सदस्यीय सरकारी टोली सहभागी हुने परराष्ट्र मन्त्रालयले जनाएको छ । त्यस्तै, आफ्नै खर्चमा थप ५२ जना पनि भारत जाने भएका छन् । भ्रमण टोलीमा पत्रकारहरू पनि आफ्नै खर्चमा सहभागी हुनेछन् ।

भारतीय समकक्षी नरेन्द्र मोदीको मैत्रीपूर्ण निमन्त्रणामा प्रधानमन्त्री शाह आइतबार दुई दिने राजकीय भ्रमणका लागि भारत प्रस्थान गर्दै छन् । उनी नेपाल वायुसेवा निगमको विमानबाट नयाँदिल्ली प्रस्थान गर्ने तालिका छ । भ्रमणमा अर्थमन्त्री डा. स्वर्णिम वाग्ले, परराष्ट्रमन्त्री शिशिर खनाल, प्रधानमन्त्रीका प्रमुख सल्लाहकार कुमार व्यञ्जनकारसहित नेपाल सरकारका वरिष्ठ अधिकारीहरू सहभागी हुनेछन् ।

प्रधानमन्त्री शाहले राष्ट्रपति द्रौपदी मुर्मुसँगको शिष्टाचार भेट गर्नेछन् भने समकक्षी मोदीसँग प्रतिनिधिमण्डलस्तरीय वार्ता गर्ने कार्यक्रम छ । प्रधानमन्त्री मोदीले शाहको सम्मानमा दिवाभोजसमेत आयोजना गर्नेछन् । भारतीय विदेशमन्त्री एस जयशंकरले पनि प्रधानमन्त्री शाहसँग शिष्टाचार भेट गर्नेछन् ।

भ्रमणका क्रममा केही नयाँ परियोजनाको उद्घाटन तथा केही परियोजनाको शिलान्यास गरिनेछ । साथै, विभिन्न समझदारीपत्र (एमओयू) मा हस्ताक्षर गर्ने कार्यक्रमसमेत रहेको परराष्ट्र सचिव अमृतबहादुर राईले जानकारी दिएका छन् ।

प्रधानमन्त्री शाह सोमाबार काठमाडौं फर्कने कार्यक्रम छ ।

अनिल गिरी काठमाडौं पाेस्टका संवाददाता हुन् । उनी परराष्ट्र मामिलामा रिपोर्टिङ/टिप्पणी लेख्छन् ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Hamro Patro News
4h ago
बालेनको भारत भ्रमणमा लगानी सम्मेलन, भारतीय मन्त्रीको सहभागिता नहुने

बालेनको भारत भ्रमणमा लगानी सम्मेलन, भारतीय मन्त्रीको सहभागिता नहुने

प्रधानमन्त्री बालेन्द्र शाह (बालेन)को भारत भ्रमणका क्रममा नयाँदिल्लीमा आयोजना हुने नेपाल–भारत व्यापारिक गोलमेच छलफलमा भारतीय सरकारका कुनै पनि मन्त्री सहभागी नहुने भएका छन् । भारतीय लगानी आकर्षित ग...

#भारतीय #भ्रमण #नहुने
Compare →
Nagarik News
23h ago
प्रधानमन्त्री शाहको भारत भ्रमणमा मालपानीसहित ५२ व्यवसायी सहभागी हुँदै (सूचीसहित)

प्रधानमन्त्री शाहको भारत भ्रमणमा मालपानीसहित ५२ व्यवसायी सहभागी हुँदै (सूचीसहित)

प्रधानमन्त्री बालेन्द्र शाहको आइतबारदेखि सुरु हुने भारतको दुईदिने राजकीय भ्रमणमा निजी क्षेत्रबाट ५२ जना उद्योगी-व्यवसायी सहभागी हुने भएका छन्।

#भ्रमण #शाह #भारत
Compare →
Arthasansar
4h ago
बालेनको भारत भ्रमणमा नेपालको पूँजी बजारको प्रतिनिधित्व गर्दै सागर ढकाल

बालेनको भारत भ्रमणमा नेपालको पूँजी बजारको प्रतिनिधित्व गर्दै सागर ढकाल

प्रधानमन्त्री बालेन्द्र शाहको दुईदिने राजकीय भारत भ्रमणमा नेपालको पूँजी बजार क्षेत्रको प्रतिनिधित्व गर्दै स्टक ब्रोकर एसोसिएसन अफ नेपालका अध्यक्ष सागर...

#भ्रमण #भारत
Compare →
Onlinekhabar
23h ago
प्रधानमन्त्रीको भारत भ्रमणअघि परामर्श नगरेको भन्दै कांग्रेसको असन्तुष्टि

प्रधानमन्त्रीको भारत भ्रमणअघि परामर्श नगरेको भन्दै कांग्रेसको असन्तुष्टि

५ मंसिर, काठमाडौं । नेपाली कांग्रेसले प्रधानमन्त्री बालेन्द्र शाहको भारत भ्रमणअघि प्रमुख प्रतिपक्षीलगायत राजनीतिक दल र विषयविज्ञसँग परामर्श नगरेको भन्दै सरकारप्रति असन्तुष्टि जनाएको छ । कांग्रेसले राष्ट्रिय महत्त्वका विषयमा विदेश भ्रमण गर्नुअघि साझा धारणा निर्माण गर्ने लोकतान्त्रिक …

#भ्रमण #भारत
Compare →
Bizshala
1d ago
प्रधानमन्त्री बालेनको भारत भ्रमणलाई मन्त्रिपरिषद्को स्वीकृति, मंसिर ६ र ७ गते राजकीय भ्रमण

प्रधानमन्त्री बालेनको भारत भ्रमणलाई मन्त्रिपरिषद्को स्वीकृति, मंसिर ६ र ७ गते राजकीय भ्रमण

काठमाण्डौ । प्रधानमन्त्री बालेन्द्र शाह (बालेन) को आसन्न भारत भ्रमणलाई सरकारले औपचारिक स्वीकृति दिएको छ।शुक्रबार...

#भ्रमण #भारत
Compare →

Related Stories

Politics & Governance
Build #2612