Trending
Prev Story
Next Story

जुम्लामा चुनावी सरगर्मी सुरु : चन्दननाथमा स्वाँर र गुठिचौरमा लामा स्वतन्त्र उम्मेदवार

Nagarik News •
November 21, 2026 • 03:40 PM
1
1 reads 0 reactions

चन्दननाथ नगरपालिका-२ भण्डारीबाडाका स्वाँरले शनिबार सदरमुकाम खलंगास्थित दौतरी होटलमा पत्रकार सम्मेलन गरी नगरप्रमुख पदमा उम्मेदवारी घोषणा गरेका हुन्।

जुम्लामा चुनावी सरगर्मी सुरु : चन्दननाथमा स्वाँर र गुठिचौरमा लामा स्वतन्त्र उम्मेदवार

आसन्न स्थानीय तह निर्वाचनलाई लक्षित गर्दै जुम्लामा स्वतन्त्र उम्मेदवारी घोषणा गर्ने क्रम सुरु भएको छ। चन्दननाथ नगरपालिकाको नगरप्रमुखमा भरत स्वाँर र गुठिचौर गाउँपालिकाको अध्यक्षमा नुर्बु लामाले स्वतन्त्र उम्मेदवारी घोषणा गरेका हुन्।

चन्दननाथ नगरपालिका-२ भण्डारीबाडाका स्वाँरले शनिबार सदरमुकाम खलंगास्थित दौतरी होटलमा पत्रकार सम्मेलन गरी नगरप्रमुख पदमा उम्मेदवारी घोषणा गरेका हुन्। उनले नगरको विकास र समृद्धिका लागि आफ्नो प्रतिबद्धतापत्रसमेत सार्वजनिक गरेका छन्।

स्वाँरले स्वास्थ्य, शिक्षा, रोजगारी, कृषि, पर्यटन र पूर्वाधार विकासलाई प्राथमिकता दिने बताएका छन्। फोहोरमैला व्यवस्थापन, गुणस्तरीय स्वास्थ्य सेवा, सामुदायिक विद्यालयको सुधार, युवालाई रोजगारी र स्थानीय उत्पादनको बजारीकरणलाई आफ्नो मुख्य एजेन्डा बनाएका छन्।

त्यस्तै, चन्दननाथ मन्दिरसहित धार्मिक तथा ऐतिहासिक सम्पदाको संरक्षण, व्यवस्थित बजार, खानेपानी, सडक र डिजिटल सेवा प्रवाहमा जोड दिने उनको योजना छ। सुशासन, पारदर्शिता र भ्रष्टाचार नियन्त्रणलाई पनि प्राथमिकतामा राखेको उनले बताएका छन्।

'विकास भाषणले होइन, स्पष्ट दृष्टिकोण, इमानदार नेतृत्व, सामूहिक प्रयास र परिणाममुखी कामले सम्भव हुन्छ,' स्वाँरले प्रतिबद्धतापत्रमा भनेका छन्। उनले नगरप्रमुखमा निर्वाचित भए पाँच वर्षसम्म पाउने सेवासुविधासमेत नलिने घोषणा गरेका छन्।

यसैगरी, जुम्लाका होटल व्यवसायी नुर्बु लामाले गुठिचौर गाउँपालिकाको अध्यक्ष पदमा स्वतन्त्र उम्मेदवारी दिने बताएका छन्। जुम्ला विमानस्थल नजिकै कान्जिरोवा होटल सञ्चालन गर्दै आएका लामाले गुठिचौरलाई कृषि र पर्यटनको नमुना गाउँपालिका बनाउने लक्ष्य राखेको बताएका छन्।

टेलिफोनमार्फत कुरा गर्दै उनले कुनै पनि दलको चुनाव चिह्नबाट नभई स्वतन्त्र उम्मेदवारका रूपमा प्रतिस्पर्धा गर्ने बताए। यसअघि उनी राष्ट्रिय स्वतन्त्र पार्टी (रास्वपा) मा आबद्ध थिए।

स्थानीय तह निर्वाचनको मिति घोषणा हुनुअघि नै दुई जनाले उम्मेदवारी घोषणा गरेपछि जुम्लामा चुनावी चर्चा सुरु भएको छ।

प्रकाशित: ५ मंसिर २०८३ २१:२५ शनिबार

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Bizshala
3d ago
काठमाण्डौको मेयरमा सुमना श्रेष्ठको दाबेदारी, पार्टीबाट कि स्वतन्त्र उम्मेदवारी भन्ने अझै अन्योल

काठमाण्डौको मेयरमा सुमना श्रेष्ठको दाबेदारी, पार्टीबाट कि स्वतन्त्र उम्मेदवारी भन्ने अझै अन्योल

काठमाण्डौ । पूर्वशिक्षामन्त्री तथा राष्ट्रिय स्वतन्त्र पार्टी (रास्वपा) की पूर्वसहमहामन्त्री सुमना श्रेष्ठले...

#उम्मेदवारी #स्वतन्त्र #उम्मेदवार
Compare →
Hamro Patro News
1d ago
राप्रपाको अध्यक्षमा ज्ञानेन्द्र शाहीको उम्मेदवारी घोषणा

राप्रपाको अध्यक्षमा ज्ञानेन्द्र शाहीको उम्मेदवारी घोषणा

काठमाडौँ – राष्ट्रिय प्रजातन्त्र पार्टी (राप्रपा)का नेता ज्ञानेन्द्र शाहीले पार्टी अध्यक्ष पदमा उम्मेदवारी घोषणा गरेका छन्।

#उम्मेदवारी #घोषणा #उम्मेदवार
Compare →
Ekantipur
1d ago
राप्रपा अध्यक्षमा शाहीको उम्मेदवारी घोषणा, लिङदेनलाई सर्वोच्च नेताको हैसियतमा बस्न प्रस्ताव

राप्रपा अध्यक्षमा शाहीको उम्मेदवारी घोषणा, लिङदेनलाई सर्वोच्च नेताको हैसियतमा बस्न प्रस्ताव

काठमाडौंमा पत्रकार सम्मेलन गर्दै ज्ञानेन्द्रबहादुर शाहीले भने- 'हामीले अग्रजलाई हटाउने होइन, अग्रजको सम्मान र युवाहरूको नेतृत्व सुनिश्चित गर्न अगाडि बढेका हौं ।'

#उम्मेदवारी #घोषणा #उम्मेदवार
Compare →
Onlinekhabar
1d ago
पार्टीमा पुस्तान्तरण गर्ने भन्दै राप्रपाको अध्यक्षमा ज्ञानेन्द्र शाहीको उम्मेदवारी घोषणा

पार्टीमा पुस्तान्तरण गर्ने भन्दै राप्रपाको अध्यक्षमा ज्ञानेन्द्र शाहीको उम्मेदवारी घोषणा

४ मंसिर, काठमाडौं । राष्ट्रिय प्रजातन्त्र पार्टी (राप्रपा)को अध्यक्ष पदमा ज्ञानेन्द्र शाहीले उम्मेदवारी घोषणा गरेका छन् । शाहीले काठमाडौंमा पत्रकार सम्मेलन गरेर उम्मेदवारी घोषणा गरेका हुन् । आफ्नो उम्मेदवारीलाई उनले पुस्तान्तरण भनेका छन् । ‘पुस्तान्तरणसँगै रुपान्तरण र …

#उम्मेदवारी #घोषणा #उम्मेदवार
Compare →
Arthasansar
3d ago
काठमाडौंको मेयरमा पूर्व शिक्षामन्त्री सुमना श्रेष्ठले उम्मेदवारी दिने

काठमाडौंको मेयरमा पूर्व शिक्षामन्त्री सुमना श्रेष्ठले उम्मेदवारी दिने

पूर्व शिक्षामन्त्री एवं राष्ट्रिय स्वतन्त्र पार्टीका पूर्व सांसद सुमना श्रेष्ठले अब हुने स्थानीय तहको निर्वाचनमा काठमाडौंको मेयर पदमा उम्मेदवारी दिने...

#उम्मेदवारी #उम्मेदवार
Compare →

Related Stories

Politics & Governance
Build #2612