Trending
Prev Story
Next Story

प्रधानमन्त्रीको भारत भ्रमणअघि प्रतिपक्षसँग परामर्श नगरेको कांग्रेसको गुनासो

Nagarik News •
November 21, 2026 • 07:05 AM
4
4 reads 0 reactions

नेपाली कांग्रेसले प्रधानमन्त्री बालेन्द्र शाहको भारत भ्रमण सफल र उपलब्धिमूलक होस् भन्दै शुभकामना व्यक्त गरेको छ।

प्रधानमन्त्रीको भारत भ्रमणअघि प्रतिपक्षसँग परामर्श नगरेको कांग्रेसको गुनासो

नेपाली कांग्रेसले प्रधानमन्त्री बालेन्द्र शाहको भारत भ्रमण सफल र उपलब्धिमूलक होस् भन्दै शुभकामना व्यक्त गरेको छ। साथै, राष्ट्रिय महत्त्वको भ्रमणअघि प्रमुख प्रतिपक्षलगायत राजनीतिक दल र विषयविज्ञसँग परामर्श नगरेको भन्दै सरकारप्रति असन्तुष्टि जनाएको छ।

नेपाली कांग्रेसका वरिष्ठ उपसभापति विश्वप्रकाश शर्माले शनिबार जारी गरेको विज्ञप्तिमार्फत प्रधानमन्त्रीको भारत भ्रमणको सफलताको कामना गर्दै यस्तो असन्तुष्टि व्यक्त गरेका हुन्।

शर्माले दुई मित्रराष्ट्रबीचको सम्बन्ध थप प्रगाढ बनाउन र नेपालको सर्वोत्तम राष्ट्रिय हितमा भ्रमण उपयोगी बन्न सकोस् भन्ने शुभकामना दिएका छन्।

मित्रराष्ट्रको महत्त्वपूर्ण भ्रमणअघि राष्ट्रिय हितका विषयमा साझा धारणा निर्माण गर्न प्रमुख प्रतिपक्षलगायत राजनीतिक दलसँग परामर्श गर्ने स्थापित लोकतान्त्रिक परम्परा रहेको उनले स्मरण गराएका छन्। यस्तो सकारात्मक परम्परालाई वर्तमान सरकारले पनि निरन्तरता दिने अपेक्षा कांग्रेसको रहेको उनको भनाइ छ।

कांग्रेसले भारतसँगको द्विपक्षीय सम्बन्ध र सहकार्यका सम्भावित विषयमा सरकारलाई रचनात्मक सुझाव दिने तयारी गरेको पनि शर्माले बताएका छन्।

जलवायु परिवर्तन, हवाई सम्पर्क, पर्यटन, व्यापार, ऊर्जा, खेलकुद, उद्यमशीलता, सीमा व्यवस्थापन, सीमावर्ती क्षेत्रका नागरिकका सरोकार तथा भारतमा कार्यरत नेपाली श्रमिकका समस्यालगायत विषयमा गत बुधबार विषयविज्ञहरूको सहभागितामा विशेष आन्तरिक विमर्श गरेको उनले उल्लेख गरेका छन्।

नेपाल–भारत सम्बन्धलाई पारस्परिक सम्मान, सार्वभौमिक समानता र राष्ट्रिय हितका आधारमा सुदृढ बनाउन कांग्रेसले ऐतिहासिक भूमिका निर्वाह गर्दै आएको उल्लेख गर्दै शर्माले सम्बन्धका सम्भावना, अवसर र व्यावहारिक जटिलताबारे पार्टीसँग लामो संस्थागत अनुभव र स्पष्ट बुझाइ रहेको बताएका छन्।

तर, सरकारले प्रमुख प्रतिपक्ष, अन्य दल तथा विषयविज्ञसँग परामर्श गर्न आवश्यक नठानेको उनको आरोप छ। राष्ट्रिय महत्त्वको भ्रमणअघि साझा धारणा निर्माण गर्ने स्थापित लोकतान्त्रिक अभ्यासलाई समेत सरकारले निरन्तरता नदिएको उनले बताएका छन्।

‘त्यसैले नेपाली कांग्रेसले पनि सरकारले नमागेको औपचारिक सुझाव आफैँ अघि सारिरहन उचित ठानेन,’ विज्ञप्तिमा भनिएको छ।

प्रधानमन्त्री कुनै एक दल वा सरकारको मात्र नभई सम्पूर्ण राष्ट्रको प्रतिनिधित्व गर्दै भारत भ्रमणमा जान लागेको उल्लेख गर्दै शर्माले राष्ट्रिय हितका विषयमा व्यापक परामर्श र साझा समझदारी निर्माण हुँदा अन्तर्राष्ट्रिय मञ्चमा नेपालको अडान बलियो हुने बताएका छन्।

यद्यपि, सरकारको कमजोरीलाई प्रधानमन्त्रीको भ्रमणका सम्भावित विषयवस्तुसँग जोडेर हेर्न नचाहेको उनले स्पष्ट पारेका छन्।

‘सरकारसँग हाम्रो विविध असहमति हुन सक्छ, तर नेपालको राष्ट्रिय हित र मित्रराष्ट्र भारतसँगको सम्बन्ध सुदृढ बनाउने विषयमा हाम्रो प्रतिबद्धता प्रधानमन्त्रीको साथमा स्पष्ट र अटल छ,’ शर्माले भनेका छन्।

उनले भ्रमण क्षणिक लोकप्रियता आर्जन गर्ने वा तत्कालीन प्रचारमा सीमित हुन नहुने बताएका छन्। विगतका प्रतिबद्धताको कार्यान्वयन, विद्यमान समस्याको ठोस निदान र पारस्परिक हितमा आधारित दीर्घकालीन सहकार्यको नयाँ आधार निर्माण गर्न भ्रमण उपयोगी हुनुपर्ने कांग्रेसको अपेक्षा रहेको उनले उल्लेख गरेका छन्।

प्रकाशित: ५ मंसिर २०८३ १२:५० शनिबार

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Onlinekhabar
23h ago
प्रधानमन्त्रीको भारत भ्रमणअघि परामर्श नगरेको भन्दै कांग्रेसको असन्तुष्टि

प्रधानमन्त्रीको भारत भ्रमणअघि परामर्श नगरेको भन्दै कांग्रेसको असन्तुष्टि

५ मंसिर, काठमाडौं । नेपाली कांग्रेसले प्रधानमन्त्री बालेन्द्र शाहको भारत भ्रमणअघि प्रमुख प्रतिपक्षीलगायत राजनीतिक दल र विषयविज्ञसँग परामर्श नगरेको भन्दै सरकारप्रति असन्तुष्टि जनाएको छ । कांग्रेसले राष्ट्रिय महत्त्वका विषयमा विदेश भ्रमण गर्नुअघि साझा धारणा निर्माण गर्ने लोकतान्त्रिक …

#बालेन-शाह #भारत #कांग्रेस
Compare →
Hamro Patro News
4h ago
भारत भ्रमणअघि प्रधानमन्त्रीले दलहरूसँग परामर्श नगरेको भन्दै कांग्रेस असन्तुष्ट

भारत भ्रमणअघि प्रधानमन्त्रीले दलहरूसँग परामर्श नगरेको भन्दै कांग्रेस असन्तुष्ट

काठमाडौं । नेपाली कांग्रेसले प्रधानमन्त्री बालेन्द्र शाहको भारत भ्रमणअघि प्रमुख प्रतिपक्षी दल, अन्य राजनीतिक दल र विषयविज्ञसँग परामर्श नगरेको भन्दै सरकारप्रति असन्तुष्टि जनाएको छ । कांग्रेसले राष्ट...

#बालेन-शाह #भारत #कांग्रेस
Compare →
Ekantipur
4h ago
कांग्रेसले भन्यो : प्रधानमन्त्रीको भारत भ्रमणअघि सरकारले परामर्श गरेन, तैपनि शुभकामना

कांग्रेसले भन्यो : प्रधानमन्त्रीको भारत भ्रमणअघि सरकारले परामर्श गरेन, तैपनि शुभकामना

कांग्रेसले राष्ट्रिय हितका विषयमा दलहरूसँग संवाद नभएकोमा सरकारप्रति असन्तुष्टि जनाए पनि भारतसँगको सम्बन्ध सुदृढ गर्ने प्रतिबद्धता अटल रहेको जनाएको छ।

#कांग्रेस #प्रधानमन्त्रीको #भारत
Compare →
Arthasansar
4h ago
बालेनको भारत भ्रमणमा नेपालको पूँजी बजारको प्रतिनिधित्व गर्दै सागर ढकाल

बालेनको भारत भ्रमणमा नेपालको पूँजी बजारको प्रतिनिधित्व गर्दै सागर ढकाल

प्रधानमन्त्री बालेन्द्र शाहको दुईदिने राजकीय भारत भ्रमणमा नेपालको पूँजी बजार क्षेत्रको प्रतिनिधित्व गर्दै स्टक ब्रोकर एसोसिएसन अफ नेपालका अध्यक्ष सागर...

#बालेन-शाह #भारत #भ्रमण
Compare →
Bizshala
1d ago
प्रधानमन्त्री बालेनसँग भारत जाने ५२ उद्योगी व्यवसायीको सूची तयार, अञ्जनदेखि निर्वाण चौधरी र नितेश मालपानीसम्म

प्रधानमन्त्री बालेनसँग भारत जाने ५२ उद्योगी व्यवसायीको सूची तयार, अञ्जनदेखि निर्वाण चौधरी र नितेश मालपानीसम्म

काठमाण्डौ । प्रधानमन्त्री वालेन्द्र शाह (बालेन) को आसन्न भारत भ्रमणमा निजी क्षेत्रका ५२ जना उद्योगी व्यवसायी सहभागी...

#बालेन-शाह #भारत #भ्रमण
Compare →

Related Stories

Politics & Governance
Build #2612