Trending
Prev Story
Next Story

नयाँ–पुराना सबै व्यावसायिक घरानाले नवप्रवर्तनको सोच भएकालाई स्थान दिनुपर्छ : मोतिलाल दुगड

Ekantipur •
November 20, 2026 • 01:02 PM
2
2 reads 0 reactions

नवप्रवर्तन र नयाँ प्रविधि भित्र्याउने युवालाई व्यावसायिक घरानाले अवसर दिनुपर्ने भन्दै दुगडले सरकारी प्रक्रियामा हुने ढिलाइले सिर्जनशील युवा निरुत्साहित भएर बिदेसिनुपरेको बताए ।

नयाँ–पुराना सबै व्यावसायिक घरानाले नवप्रवर्तनको सोच भएकालाई स्थान दिनुपर्छ : मोतिलाल दुगड

नवप्रवर्तन र नयाँ प्रविधि भित्र्याउने युवालाई व्यावसायिक घरानाले अवसर दिनुपर्ने भन्दै दुगडले सरकारी प्रक्रियामा हुने ढिलाइले सिर्जनशील युवा निरुत्साहित भएर बिदेसिनुपरेको बताए ।

काठमाडौँ — नयाँ होऊन् वा पुराना, सबै व्यावसायिक घरानाले नवप्रवर्तनको सोच र नयाँ प्रविधि लिएर आउने युवालाई स्थान दिनुपर्ने पूर्व उद्योग, वाणिज्य तथा आपूर्ति राज्यमन्त्री मोतिलाल दुगडले बताएका छन् ।

व्यवसायले समयअनुसार आफूलाई परिवर्तन गर्न नसके प्रतिस्पर्धामा पछि पर्ने उल्लेख गर्दै उनले नवप्रवर्तनलाई आत्मसात् गर्नु सबै व्यावसायिक घरानाका लागि आवश्यक रहेको बताए ।

कान्तिपुरले कोशी प्रदेशको विराटनगरमा आयोजना गरेको ‘उज्यालो पूर्व : सम्भावनाबाट समृद्धितर्फ’ कार्यक्रमको तेस्रो सत्र ‘तुलनात्मक लाभमा नवप्रवर्तनको साथ’ विषयमा बोल्दै दुगडले नयाँ प्रविधिको सदुपयोगले समाज र अर्थतन्त्रमा ठूलो योगदान पुर्‍याउन सक्ने बताए ।

राज्यमन्त्री रहँदा आफूले स्टार्टअप कार्यक्रम सञ्चालन गरेको स्मरण गर्दै उनले त्यस क्रममा युवाहरूले देखाएको सिर्जनशीलता र प्राविधिक क्षमताबाट आफू प्रभावित भएको बताए ।

त्यतिबेला नयाँ उद्यम तथा आविष्कारलाई प्रोत्साहन गर्न सहुलियत ब्याजदरमा ऋण, अनुदान र निर्यातमा सहुलियत उपलब्ध गराउने कार्यक्रम सञ्चालन गरिएको उनले बताए । ती कार्यक्रमको कार्यान्वयन प्रक्रिया पनि सुरुमा निकै छिटो हुने गरेको भए पनि पछिल्लो समय यसमा ढिलासुस्ती हुँदा युवाहरू निरुत्साहित भएको उनको भनाइ छ ।

‘हामीले पहिले यसको प्रक्रिया एक सातामै कार्यान्वयनमा लैजान्थ्यौँ । तर अहिले एक महिना हुँदै यो प्रक्रियामा त्योभन्दा लामो समय लाग्न थालेको छ,’ उनले भने, ‘सरकारी प्रक्रियामा हुने ढिलाइले नयाँ सोच र सिर्जना भएका युवाहरू निराश भएर विदेशिनुपर्ने अवस्था आएको छ ।’

नयाँ प्रविधि र नवप्रवर्तनमा आधारित व्यवसायलाई प्रोत्साहन गर्न सरकारले छिटो निर्णय गर्नुपर्ने उनको भनाइ थियो । उनले नयाँ प्रविधिको विकाससँगै मुलुकहरूबीच अप्रत्यक्ष प्रतिस्पर्धा र द्वन्द्वसमेत बढिरहेको उल्लेख गर्दै प्रविधिको सकारात्मक उपयोगका लागि सबै पक्षबीच सहकार्य आवश्यक रहेको बताए ।

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Nagarik News
1h ago
स्थानीय तहको निर्वाचन वैशाख अन्तिममा गर्नुपर्छ : ओली

स्थानीय तहको निर्वाचन वैशाख अन्तिममा गर्नुपर्छ : ओली

नेकपा एमालेका अध्यक्ष केपी शर्मा ओलीले स्थानीय तहलाई स्वायत्त सरकारका रूपमा विकास गर्नुपर्ने बताएका छन् ।

#बताए #स्थान
Compare →
Onlinekhabar
2h ago
स्थानीय तह बलियो हुँदा मात्रै संघीयताको महसुस हुन्छ : ओली

स्थानीय तह बलियो हुँदा मात्रै संघीयताको महसुस हुन्छ : ओली

४ मंसिर, काठमाडौं । नेकपा एमालेका अध्यक्ष केपी शर्मा ओलीले स्थानीय तह सबल हुँदा विकासमा तीव्रता आउने बताएका छन् । शुक्रबार एमालेबाट निर्वाचित स्थानीय तहका जनप्रतिनिधिहरूको भेलालाई सम्बोधन गर्दै उनले यस्तो बताइका हुन् । ‘स्थानीय तहको सवलीकरणका …

#बताए #स्थान
Compare →
Hamro Patro News
3h ago
स्थानीय तह बलियो हुँदा विकासले गति लिन्छ : अध्यक्ष ओली

स्थानीय तह बलियो हुँदा विकासले गति लिन्छ : अध्यक्ष ओली

काठमाडौं । नेकपा एमालेका अध्यक्ष केपी शर्मा ओलीले स्थानीय तहलाई सबल र सक्षम बनाउँदा विकास निर्माणले तीव्रता पाउने बताएका छन् । आज पार्टीका स्थानीय तहका जनप्रतिनिधिहरूको भेलालाई सम्बोधन गर्दै अध्यक...

#बताए #स्थान
Compare →

Related Stories

Business & Economy
Build #2612