कान्तिपुर मिडिया ग्रुपले विराटनगरमा आयोजना गरेको ‘उज्यालो पूर्व: सम्भावनाबाट समृद्धितर्फ’को पहिलो सत्र ‘व्यवसायीको मनोबल कसरी उकास्ने ?’ मा बोल्दै उद्योग संगठन मोरङका वरिष्ठ उपाध्यक्ष दुलालले सरकारले उद्योगीहरूलाई लगानी गर्ने वातावरण नबनाएको बताए ।
काठमाडौँ — उद्योग संगठन मोरङका वरिष्ठ उपाध्यक्ष भोलेश्वर दुलालले अहिले उद्योगमा लगानी गर्ने वातावरण नभएको बताएका छन् ।
कान्तिपुर मिडिया ग्रुपले विराटनगरमा आयोजना गरेको ‘उज्यालो पूर्व: सम्भावनाबाट समृद्धितर्फ’को पहिलो सत्र ‘व्यवसायीको मनोबल कसरी उकास्ने ?’ मा बोल्दै दुलालले सरकारले उद्योगीहरूलाई लगानी गर्ने वातावरण नबनाएको बताए । स्थानीय सरकारले उद्योगीहरूका समस्या समाधान गर्नुभन्दा पनि सदस्यता तोकेर पैसा उठाइरहेको उनको भनाइ छ ।
‘गाउँपालिका, नगरपालिकाले आफूखुसी १० लाख, २० लाख सदस्यता तोकेर पैसा उठाइरहेका छन्,’ दुलालले भने, ‘उद्योगीलाई राहत दिने ठाउँमा पैसा उठिरहेको छ । एउटा ३ किलोमिटर बाटो बनाइदेऊ भनेर हामीले हजारौं पटक भन्दा पनि बनेको छैन । उद्योगीहरूका समस्या समाधान हुन सकेको छैन ।’