Trending
Prev Story
Next Story

हरिबोधिनी एकादशीमा कालीगण्डकी किनारमा भक्तजनको घुइँचो

Onlinekhabar •
November 20, 2026 • 11:30 AM
2
2 reads 0 reactions

४ मंसिर, पाल्पा । हरिबोधनी एकादशीको अवसरमा पाल्पा र स्याङ्जाको सङ्गमस्थल रामनदी धाम राम्दीसँगै तटीय क्षेत्रमा बिहानैदेखि भक्तजनको बाक्लो घुइँचो लागेको छ । आषाढ शुक्ल एकादशीका दिन क्षीरसागरमा शयन गरेका भगवान् विष्णु हरिबोधिनी एकादशीका दिन जाग्ने …

हरिबोधिनी एकादशीमा कालीगण्डकी किनारमा भक्तजनको घुइँचो

४ मंसिर, पाल्पा । हरिबोधनी एकादशीको अवसरमा पाल्पा र स्याङ्जाको सङ्गमस्थल रामनदी धाम राम्दीसँगै तटीय क्षेत्रमा बिहानैदेखि भक्तजनको बाक्लो घुइँचो लागेको छ ।

आषाढ शुक्ल एकादशीका दिन क्षीरसागरमा शयन गरेका भगवान् विष्णु हरिबोधिनी एकादशीका दिन जाग्ने धार्मिक विश्वास छ । यस दिनलाई (ठूलो एकादशी) का रूपमा समेत लिने प्रचलन रहेको छ ।

यही एकादशीका अवसरमा कालीगण्डकी स्नान गरी पूजाआरधना गर्न भक्तजनको घुइँचो लागेको हो ।

शुक्रबार पाल्पास्थित तीन जिल्लाको संगमस्थल रुरु क्षेत्रधाम, केलाली, अर्सेदी, रामपुरलगायतका स्थानमा बाक्लो रूपमा भक्तजनको उपस्थिति रहेको छ ।

यस अवसरमा देवनदीका रूपमा पूजित कालीगण्डकीमा स्नान गर्न र रामनदी धाममा पूजाअर्चना गर्न पाल्पा, स्याङ्जा, गुल्मी, रूपन्देही, नवलपरासीलगायत आसपासका क्षेत्रबाट श्रद्धालु भक्तजनहरू एकाबिहानै राम्दी पुगेको बताएका छन् ।

सबेरैदेखि गण्डकी स्नान गरी भगवान् विष्णु, तुलसी र शालिग्रामको पूजा, सिद्धगुफामा दर्शन, कालीगण्डकीमा तोरण तार्नेलगायतका कार्य गर्न श्रद्धालुहरूको नदी किनारमा जम्मा भएका हुन् । आजको दिन गंगा स्नान गरी तोरण तारेमा मनोकांक्षा पूरा हुनुका साथै पितृहरु बैकुण्ठबास गर्दछन् भन्ने धार्मिक विश्वस रहेको छ ।

धार्मिक तथा पौराणिक ग्रन्थहरूका अनुसार त्रेतायुगमा भगवान् श्रीराम बनवास जाने क्रममा राम्दीमा विश्राम गरी कालीगण्डकीमा स्नान गरेको र यसक्षेत्रलाई रामनदी धामको रूपमा पुज्न थालिएको उल्लेख छ ।

विश्वमै केवल कालीगण्डकी नदीमा मात्र प्राप्त हुने साक्षात विष्णु अवतार मानिने शालिग्रामको सामिप्यमा आजका दिन स्नान गर्नाले जन्मजन्मान्तरका पाप पखालिने र मोक्ष प्राप्त हुने जनविश्वास रहिआएको भक्तजनको भनाइ छ ।

हरिबोधनी एकादशीको अवसरमा नदी किनारमा भजनकीर्तन, दीप प्रज्वलनलगायत विविध धार्मिक कार्यक्रमहरू भइरहेका छन् ।

आजकै दिन सनातन धर्मावलम्बीहरूले घर,घरका मन्दिर तथा मठमा विशेष सिँगारपटार गरी तुलसीको दामोदर (विष्णु)सँग वैदिक विधिपूर्वक विवाह गराइदिने परम्परा छ ।

एकादशीको अवसरमा पाल्पाको रामपुर नगरपािलकाले सार्वजनिक विदा समेत दिएका छ ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Ekantipur
20m ago
कालीगण्डकी किनारमा एकादशी मेला भर्नेको घुइँचो

कालीगण्डकी किनारमा एकादशी मेला भर्नेको घुइँचो

एकादशीका अवसरमा पाल्पा र स्याङ्जा सीमाका रिडी, राम्दी, रानीघाट, केलादी र अन्य घाटमा बिहानैदेखि श्रद्धालुको घुइँचो लागेको थियो।

#एकादशी #घुइँचो #पाल्पा
Compare →
Nagarik News
9h ago
हरिबोधिनी एकादशीः देशभरका नारायण मन्दिरमा भक्तजनको लाम

हरिबोधिनी एकादशीः देशभरका नारायण मन्दिरमा भक्तजनको लाम

कार्तिक शुक्ल एकादशी अर्थात् हरिबोधिनी एकादशीका दिन आज बिहानैदेखि उपत्यकाका चार नारायण, बूढानीलकण्ठ नारायणस्थानसहित देशभरका नारायण मन्दिरमा भक्तजनको लामो लाम लागेको छ।

#एकादशी #भक्तजन #हरिबोधिनी
Compare →
Hamro Patro News
10h ago
आज ठूलो एकादशी, नारायण मन्दिरमा भक्तजनको घुइँचो

आज ठूलो एकादशी, नारायण मन्दिरमा भक्तजनको घुइँचो

काठमाडौँ- कात्तिक शुक्ल एकादशीका दिन आज औषधीको गुणले युक्त तुलसीको पूजा आराधना गरी हरिबोधिनी एकादशी पर्व मनाइँदैछ। हरिबोधिनी एकादशीका दिन तुलसीसँग भगवान् दामोदर (विष्णु)को विवाह र विशेष पूजा गरी म...

#एकादशी #भक्तजन #घुइँचो
Compare →
Arthasansar
6h ago
आज हरिबोधनी एकादशी

आज हरिबोधनी एकादशी

कात्तिक शुक्लपक्षको हरिबोधनी एकादशीलाई प्रबोधिनी एकादशी वा ठुली एकादशी भनिन्छ । ठूली एकादशीमा घरआँगनमा रोपिएका तुलसीको विधिपूर्वक विवाह गरिन्छ ।...

#एकादशी
Compare →

Related Stories

Business & Economy
Build #2612