४ मंसिर, सर्लाही । सर्लाहीको लालबन्दीमा एक युवक मृत फेला परेका छन् ।
हरिपुर्वा नगरपालिका–९, बगेवा गाउँका २० वर्षीय अमित चौधरीको मृत फेला परेका हुन् ।
बिहीबार साँझ लालबन्दी नगरपालिका–५ स्थित पुरानो राजमार्गमा रहेको एक कोठामा उनी अचेत अवस्थामा भेटिएका थिए ।
उनलाई तत्काल उपचारका लागि मोडेल अस्पताल लालबन्दी पुर्याइएको थियो ।
अस्पताल पुर्याइए पनि चिकित्सकले उनलाई मृत घोषणा गरेका इलाका प्रहरी कार्यालय लालबन्दीले जनाएको छ ।
चौधरीको शव पोस्टमार्टमका लागि प्रादेशिक अस्पताल मलंगवा ल्याइएको छ । उनको मृत्युको कारण खुल्न सकेको छैन ।
घटनाबारे थप अनुसन्धान गर्न प्रहरीले एक युवतीलाई नियन्त्रणमा लिएर सोधपुछ गरिरहेको जिल्ला प्रहरी कार्यालय सर्लाहीका प्रवक्ता एवं डीएसपी वेदप्रसाद गौतमले जानकारी दिए ।