Trending
Prev Story
Next Story

काठमाण्डौमा भोलिदेखि स्टार्टअप तथा इनोभेसन प्रदर्शनी हुँदै, एआईदेखि रोबोटिक्ससम्मका प्रविधि प्रदर्शन गरिने

Bizshala •
November 18, 2026 • 09:35 AM
3
3 reads 0 reactions

काठमाण्डौ । नेपालको स्टार्टअप तथा नवप्रवर्तन क्षेत्रलाई प्रवर्द्धन गर्ने उद्देश्यले काठमाण्डौमा ‘स्टार्टअप एण्ड...

काठमाण्डौमा भोलिदेखि  स्टार्टअप तथा इनोभेसन प्रदर्शनी हुँदै, एआईदेखि रोबोटिक्ससम्मका प्रविधि प्रदर्शन गरिने

काठमाण्डौ । नेपालको स्टार्टअप तथा नवप्रवर्तन क्षेत्रलाई प्रवर्द्धन गर्ने उद्देश्यले काठमाण्डौमा ‘स्टार्टअप एण्ड आइडिया फेस्ट २०२६’ आयोजना हुने भएको छ।

आईसीटी अवार्ड २०२६ को पूर्वकार्यक्रमका रूपमा आयोजना हुन लागेको दुईदिने फेस्ट मंसिर ३ र ४ गते (नोभेम्बर १९ र २०) काठमाण्डौको बत्तीसपुतलीस्थित अनुपम फुडल्यान्डमा सञ्चालन हुनेछ।

‘इग्नाइटिङ आइडियाज, इन्स्पायरिङ इनोभेसन’ अर्थात् ‘विचारलाई प्रज्वलित गर्दै नवप्रवर्तनलाई प्रेरित गरौँ’ भन्ने नारासहित आयोजना हुने कार्यक्रममा देशभरका स्टार्टअप उद्यमी, प्रविधि विज्ञ, विद्यार्थी, लगानीकर्ता तथा नवप्रवर्तनमा सक्रिय व्यक्तिहरूको सहभागिता रहने आयोजकले जनाएको छ।

कार्यक्रममा नयाँ स्टार्टअप कम्पनीहरूले विकास गरेका उत्पादन तथा प्रविधिहरूको प्रदर्शनी गरिनेछ। साथै विद्यार्थीहरूले तयार पारेका नवीन परियोजना, अनुसन्धानमा आधारित सिर्जना तथा व्यावहारिक प्रविधिहरू पनि प्रदर्शन गरिनेछन्।

फेस्टको प्रमुख आकर्षणका रूपमा आर्टिफिसियल इन्टेलिजेन्स (एआई) र अन्तरिक्ष प्रविधिसम्बन्धी सम्मेलन रहनेछ। यसबाहेक ड्रोन तथा रोबोटिक्स प्रदर्शन, प्रविधिसम्बन्धी प्रतिस्पर्धा, कार्यशाला, रोजगारी मेला, व्यावसायिक आइडिया प्रस्तुतिकरण तथा उत्पादन प्रदर्शनलगायतका गतिविधि सञ्चालन हुनेछन्।

कार्यक्रममा स्टार्टअप उद्यमीहरूलाई सम्भावित लगानीकर्ता तथा उद्योग क्षेत्रका प्रतिनिधिहरूसँग प्रत्यक्ष संवाद र सम्पर्क स्थापित गर्ने अवसरसमेत उपलब्ध गराइनेछ। यसले नयाँ व्यावसायिक अवधारणालाई लगानी तथा बजारसँग जोड्न सहयोग पुग्ने आयोजकको विश्वास छ।

त्यसैगरी फेस्ट सुरु हुनुअघि नै स्टार्टअपसम्बन्धी मेन्टरसिप तथा बुटक्याम्प कार्यक्रम सञ्चालन गर्ने व्यवस्था गरिएको छ। सहभागी उद्यमीहरूलाई आफ्नो व्यावसायिक योजना परिष्कृत गर्न र बजारमा प्रवेश गर्ने रणनीति विकास गर्न यस्ता कार्यक्रम उपयोगी हुने अपेक्षा गरिएको छ।

फेस्टमा सहभागी स्टार्टअप तथा नवप्रवर्तकहरूले आईसीटी अवार्ड २०२६ मार्फत पहिचान र सम्मान प्राप्त गर्ने अवसर पनि पाउनेछन्। दर्शकहरूको सहभागिता बढाउन भोटिङ तथा विभिन्न अन्तरक्रियात्मक गतिविधिसमेत समावेश गरिनेछ।

कार्यक्रममार्फत नेपाली स्टार्टअप तथा नवप्रवर्तन क्षेत्रका सम्भावना उजागर गर्नुका साथै नयाँ प्रविधि, उद्यमशीलता र लगानीबीच सहकार्यको वातावरण निर्माण गर्ने लक्ष्य राखिएको छ।

आईसीटी फाउन्डेसन नेपाल र लिभिङ विथ आईसीटीसँग सम्बन्धित आयोजक टोलीका अनुसार कार्यक्रम दुवै दिन बिहान १० बजेदेखि साँझ ५ः३० बजेसम्म सञ्चालन हुनेछ।

फेस्टमा प्रवेश निःशुल्क रहनेछ। प्रविधि तथा उद्यमशीलतामा रुचि राख्ने सर्वसाधारण, विद्यार्थी, लगानीकर्ता र उद्यमीहरूले कार्यक्रममा सहभागी हुन सक्नेछन्।

कार्यक्रममा सहभागिता तथा थप जानकारीका लागि स्टार्टअप एण्ड आइडिया फेस्टको वेबसाइट वा आईसीटी अवार्डको वेबसाइट मा सम्पर्क गर्न सकिने आयोजकले जनाएको छ।

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Hamro Patro News
1d ago
मंसिर ३ र ४ गते स्टार्टअप फेस्ट हुँदै, सातै प्रदेशका स्टार्टअप सहभागी हुने

मंसिर ३ र ४ गते स्टार्टअप फेस्ट हुँदै, सातै प्रदेशका स्टार्टअप सहभागी हुने

काठमाडौं । मङ्सिर पहिलो साता प्रविधि क्षेत्रको सबैभन्दा ठुलो स्टार्टअप तथा इन्नोभेसनको प्रदर्शनी आयोजना हुने भएको छ । आइसिटी अवार्ड २०२६ को प्रि-इभेन्टको रुपमा लिभिंग विथ आइसिटी, स्क्वाड अफ चेन्जमे...

#काठमाडौं #स्टार्टअप #आयोजना
Compare →
Ekantipur
23h ago
नेपाल ग्लोबल फिल्म फेस्टिभलमा विश्वका एक सय चलचित्रकर्मी आउँदै

नेपाल ग्लोबल फिल्म फेस्टिभलमा विश्वका एक सय चलचित्रकर्मी आउँदै

फागुन ७ देखि १० सम्म काठमाडौंमा आयोजना हुने महोत्सवको पहिलो संस्करणमै विश्वभरबाट ५ सयभन्दा बढी फिचर फिल्म, सर्ट फिल्म तथा डकुमेन्ट्री प्राप्त भएका छन् ।

#काठमाडौं #आयोजना
Compare →
Arthasansar
2h ago
काठमाडौंको मेयरमा पूर्व शिक्षामन्त्री सुमना श्रेष्ठले उम्मेदवारी दिने

काठमाडौंको मेयरमा पूर्व शिक्षामन्त्री सुमना श्रेष्ठले उम्मेदवारी दिने

पूर्व शिक्षामन्त्री एवं राष्ट्रिय स्वतन्त्र पार्टीका पूर्व सांसद सुमना श्रेष्ठले अब हुने स्थानीय तहको निर्वाचनमा काठमाडौंको मेयर पदमा उम्मेदवारी दिने...

#काठमाडौं
Compare →
Onlinekhabar
3h ago
काठमाडौं–तराई द्रुतमार्गले यातायात प्रणालीमा गुणात्मक परिवर्तन ल्याउँछ : राष्ट्रपति पौडेल

काठमाडौं–तराई द्रुतमार्गले यातायात प्रणालीमा गुणात्मक परिवर्तन ल्याउँछ : राष्ट्रपति पौडेल

२ मंसिर, काठमाडौं । राष्ट्रपति रामचन्द्र पौडेलले काठमाडौं–तराई–मधेश द्रुतमार्ग निर्माण सम्पन्न भएपछि मुलुकको यातायात प्रणालीमा गुणात्मक परिवर्तन आउने बताएका छन्। बुधबार काठमाडौं–तराई–मधेश द्रुतमार्गअन्तर्गत महादेवटार सुरुङ मार्गको 'ब्रेक थ्रु' कार्यक्रममा बोल्दै राष्ट्रपति पौडेलले द्रुतमार्गले काठमाडौं र तराई–मधेशबीचको …

#काठमाडौं
Compare →
Nagarik News
8h ago
ठमेल र दरबारमार्गपछि अब पूरै काठमाडौं २४ घण्टा खुला गर्ने तयारी

ठमेल र दरबारमार्गपछि अब पूरै काठमाडौं २४ घण्टा खुला गर्ने तयारी

जिल्ला प्रशासन कार्यालय काठमाडौंले आवश्यक पूर्वाधार र भरपर्दो सुरक्षा व्यवस्था मिलाएर जिल्लाभरका व्यापारिक क्षेत्र चौबिसै घण्टा सञ्चालन गर्ने योजना बनाएको हो।

#काठमाडौं
Compare →

Related Stories

Technology
Build #2612