Trending
Prev Story
Next Story

नेपाल ग्लोबल फिल्म फेस्टिभलमा विश्वका एक सय चलचित्रकर्मी आउँदै

Ekantipur •
November 17, 2026 • 11:02 AM
2
2 reads 0 reactions

फागुन ७ देखि १० सम्म काठमाडौंमा आयोजना हुने महोत्सवको पहिलो संस्करणमै विश्वभरबाट ५ सयभन्दा बढी फिचर फिल्म, सर्ट फिल्म तथा डकुमेन्ट्री प्राप्त भएका छन् ।

नेपाल ग्लोबल फिल्म फेस्टिभलमा विश्वका एक सय चलचित्रकर्मी आउँदै

फागुन ७ देखि १० सम्म काठमाडौंमा आयोजना हुने महोत्सवको पहिलो संस्करणमै विश्वभरबाट ५ सयभन्दा बढी फिचर फिल्म, सर्ट फिल्म तथा डकुमेन्ट्री प्राप्त भएका छन् ।

काठमाडौँ — नेपाली चलचित्रलाई विश्व बजारसँग जोड्ने र नेपाललाई अन्तर्राष्ट्रिय चलचित्रको महत्वपूर्ण गन्तव्यका रूपमा स्थापित गर्ने उद्देश्यसहित आयोजना हुन लागेको नेपाल ग्लोबल फिल्म फेस्टिभल २०२७ को तयारी तीव्र पारिएको छ । २०२७ फेब्रुअरी १९ देखि २२ (फागुन ७ देखि १० गते) सम्म काठमाडौंमा आयोजना हुने महोत्सवमा विश्वका विभिन्न देशबाट करिब एक सय चलचित्रकर्मी, संचारकर्मी तथा चलचित्र उद्योगका विशिष्ट व्यक्तित्व सहभागी हुने आयोजकले जनाएको छ।

नेपाल फिल्म एन्ड मिडिया एकेडेमीको आयोजनामा हुन लागेको महोत्सवको पहिलो संस्करणमै विश्वभरबाट ५ सयभन्दा बढी फिचर फिल्म, सर्ट फिल्म तथा डकुमेन्ट्री प्राप्त भएका छन् । पहिलो संस्करणमै यति ठूलो संख्यामा अन्तर्राष्ट्रिय चलचित्र प्राप्त हुनुले महोत्सवप्रति विश्व चलचित्र क्षेत्रको चासो र आकर्षण बढ्दै गएको आयोजकले जनाएको छ ।

‘हिमालदेखि सागरसम्मका कथाहरूको उत्सव’ भन्ने मूल नारासहित आयोजना हुन लागेको महोत्सवमा प्राप्त चलचित्रमध्ये करिब सय उत्कृष्ट चलचित्र छनोट गरी चार दिनसम्म काठमाडौंमा प्रदर्शन गरिनेछ। चलचित्र छनोटका लागि निर्देशक सुवर्ण थापाको नेतृत्वमा गठित चलचित्र छनोट समितिले काम गर्नेछ। छनोट भएकामध्ये उत्कृष्ट चलचित्रहरूलाई निर्देशक अशोक शर्मा नेतृत्वका नेपाली तथा विदेशी जुरीहरूले नगद पुरस्कारसहित विभिन्न विधामा अवार्ड प्रदान गरिने आयोजकले जनाएको छ।

महोत्सवका निर्देशक गणेश पाण्डेले पहिलो संस्करणमै विश्वका विभिन्न देशबाट ५०० भन्दा बढी चलचित्र प्राप्त हुँदा आफूहरू अत्यन्त उत्साहित भएको बताए। उनले भने, 'हाम्रो पहिलो संस्करणमै विश्वभरबाट यति ठूलो संख्यामा फिचर, सर्ट र डकुमेन्ट्री फिल्म प्राप्त हुनु निकै उत्साहजनक उपलब्धि हो। यसले नेपालमा आयोजना हुन लागेको अन्तर्राष्ट्रिय चलचित्र महोत्सवप्रति विश्व चलचित्रकर्मीको विश्वास र चासो देखाएको छ। हामी नेपालकै एउटा ठूलो महोत्सव बनाउने उद्देश्यका साथ अघि बढिरहेका छौ,' उनले भने ।

महोत्सवमा फिचर फिल्म, सर्ट फिल्म, डकुमेन्ट्री, माउन्टेन फिल्म, वातावरणसम्बन्धी फिल्म, मानवशास्त्रीय फिल्म, मानवअधिकारसम्बन्धी फिल्म, महिला विषयवस्तुमा आधारित फिल्म तथा आदिवासी जनजातिका कथा र संस्कृतिमा आधारित चलचित्रलाई समेटिनेछ। त्यसैगरी एनिमेसन, विद्यार्थी चलचित्र र एआईमा आधारित चलचित्रलाई समेत विशेष प्राथमिकता दिइनेछ।

हलिउड, बलिउड तथा चिनियाँ चलचित्र क्षेत्रका चर्चित चलचित्रकर्मी महोत्सवमा अतिथिको रूपमा सहभागी हुने आयोजकले जनाएको छ। महोत्सव आयोजक समितिका सदस्य फूलमान बलका अनुसार चार दिनसम्म चलचित्र प्रदर्शनसँगै विशेष सम्मान, अन्तरक्रिया, चलचित्र कार्यशाला, प्यानल छलफल तथा अन्तर्राष्ट्रिय नेटवर्किङ कार्यक्रम सञ्चालन गरिनेछ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Bizshala
2h ago
मंसिर ५ र ६ गते काठमाण्डौमा ‘नास–आईटी एक्स्पो २०२६’ हुँदै, ३० भन्दा बढी प्रविधि कम्पनी सहभागी हुने

मंसिर ५ र ६ गते काठमाण्डौमा ‘नास–आईटी एक्स्पो २०२६’ हुँदै, ३० भन्दा बढी प्रविधि कम्पनी सहभागी हुने

काठमाण्डौ । नेपाली सूचना प्रविधि उद्योगको विकास, स्टार्टअप प्रवर्द्धन तथा अन्तर्राष्ट्रिय बजार विस्तारलाई लक्षित...

#काठमाडौं #आयोजना
Compare →
Hamro Patro News
2h ago
मंसिर ३ र ४ गते स्टार्टअप फेस्ट हुँदै, सातै प्रदेशका स्टार्टअप सहभागी हुने

मंसिर ३ र ४ गते स्टार्टअप फेस्ट हुँदै, सातै प्रदेशका स्टार्टअप सहभागी हुने

काठमाडौं । मङ्सिर पहिलो साता प्रविधि क्षेत्रको सबैभन्दा ठुलो स्टार्टअप तथा इन्नोभेसनको प्रदर्शनी आयोजना हुने भएको छ । आइसिटी अवार्ड २०२६ को प्रि-इभेन्टको रुपमा लिभिंग विथ आइसिटी, स्क्वाड अफ चेन्जमे...

#काठमाडौं #आयोजना
Compare →
Onlinekhabar
27m ago
जनकपुरबाट काठमाडौं आउँदै गरेको माइक्रो सिन्धुलीमा दुर्घटना, १४ जना घाइते

जनकपुरबाट काठमाडौं आउँदै गरेको माइक्रो सिन्धुलीमा दुर्घटना, १४ जना घाइते

१ मंसिर, काभ्रे । सिन्धुलीको गोलन्जोर गाउँपालिका–७ पलासेस्थित बीपी राजमार्गमा माइक्रोबस दुर्घटना हुँदा १४ जना घाइते भएका छन् । मंगलबार दिउँसो जनकपुरबाट काठमाडौं जाँदै गरेको म प्र ०४–००१ ज ०२४३ नम्बरको माइक्रोबस आफैं अनियन्त्रित भई सडकबाट …

#काठमाडौं #आउँदै
Compare →
Nagarik News
4h ago
अमिताभले सम्झिए नेपालमा फिल्म छायांकनका क्रममा आफूले भोगेको डरलाग्दो घटना

अमिताभले सम्झिए नेपालमा फिल्म छायांकनका क्रममा आफूले भोगेको डरलाग्दो घटना

बलिउडका महानायक अमिताभ बच्चनले नेपालमा फिल्मको छायांकनका क्रममा आफूले भोगेको डरलाग्दो घटना सम्झिएका छन्।

#फिल्म
Compare →

Related Stories

World News
Build #2612