प्रधानमन्त्री बालेन्द्र शाहको भारत भ्रमण २५ घण्टाको हुने बताइएको छ। छोटो भ्रमण भए पनि यसका क्रममा हुने छलफल र सम्भावित सहमतिको रणनीतिक महत्त्व भने निकै ठूलो हुन सक्छ। प्रधानमन्त्रीले भारतमा के–के विषय उठाउने, कुन सम्झौता गर्ने र कुन विषयलाई प्राथमिकता दिने भन्ने अझै स्पष्ट भइसकेको छैन। तर नेपाल–भारत हवाई मार्गसम्बन्धी वार्ता अगाडि बढिरहेको सन्दर्भमा केही गम्भीर प्रश्न सार्वजनिक भएका छन्। विशेषगरी, भारतले नेपालसँग राखेको हवाई क्षेत्र प्रयोग र हवाई ट्राफिक नियन्त्रणसम्बन्धी प्रस्तावलाई सामान्य प्राविधिक विषयका रूपमा मात्र लिन मिल्दैन।
नेपालले लामो समयदेखि भैरहवा अन्तर्राष्ट्रिय विमानस्थलका लागि थप हवाई प्रवेशमार्ग उपलब्ध गराउन भारतसँग आग्रह गर्दै आएको छ। पश्चिमतर्फबाट सहज हवाई प्रवेश नपाउँदा भैरहवा विमानस्थलको व्यावसायिक सम्भावना उपयोग गर्न कठिन भइरहेको छ। भारतीय आकाश हुँदै सीधा प्रवेशमार्ग उपलब्ध भएमा अन्तर्राष्ट्रिय उडानको दूरी, समय र सञ्चालन खर्च घट्न सक्छ। यसले विमानस्थलको उपयोगिता बढाउनुका साथै पर्यटन, व्यापार र समग्र अर्थतन्त्रलाई पनि फाइदा पुर्याउन सक्छ। त्यसैले यो नेपालको जायज र महत्त्वपूर्ण आर्थिक आवश्यकता हो।
स्रोतमा पूरा पढ्नुहोस् ( barnanmedia.com )