कीर्तिपुरस्थित त्रिवि अन्तर्राष्ट्रिय क्रिकेट रंगशालामा हुने खेल अपराह्न ५ बजे सुरु हुनेछ । लिग चरणको यो २८औं एवं अन्तिम खेल हो । काठमान्डु गाेर्खाजका कप्तान करण केसीले टस जितेर बलिङ गर्ने निर्णय गरेका छन् । पाेखरा पहिलाे ब्याटिङमा आउनेछ । लाइभ अपडेटमा हामीसँगै जाेडिनुहाेला ।
काठमान्डुका पाकिस्तानी खेलाडी जहान्दाद खानले जारी एनपीएलमा उनको यो १२ औं विकेट लिएका छन् । उनी पनि सर्वाधिक विकेट लिने सूचीमा पुगेका छन् । उनले यस अगाडिका ६ खेलमा ११ विकेट लिइसके्का छन् ।
काठमान्डका जहान्दाद खानले अर्जुन कुमाललाई पटेलबाट क्याचआउट गराएका छन् ।
पोखराले दोस्रो ओभर समाप्तिमा विना विकेट १३ रन बनाएको छ । अर्जुन कुमाल १ र युवराज समरा ६ खेलिरहेका छन् । दोस्रो ओभरको बलिड गरेका करण केसीले गरेका थिए । उनले एक चाैका सामना गरे ।
पोखराका अर्जुन कुमाल र युवराज समरा ब्याटिङमा आएका छन् । पहिलाे ओभरकाे बलिङ काठमान्डुबाट जहान्दाद खानले गरेका छन् ।
नेपाल प्रिमियर लिग (एनपीएल) तेस्रो सिजनको आइतबारको खेलमा काठमान्डु गोर्खाजले पोखरा एभेन्जर्सको सामना गर्दै छ । टीयू मैदानमा काठमान्डुले टस जितेर पहिले बलिङको निर्णय गरेको छ । यस्तोमा पोखरा पहिले ब्याटिङमा ओर्लिने छ । यो लिग चरणको अन्तिम खेल हुनेछ । काठमान्डु यसअघि नै प्ले–अफ पुगिसकेको छ । यो खेल जित्न सकेका काठमान्डुले पहिलो क्वालिफायर खेल्ने अवसर पाउनेछ । पोखराले अहिलेसम्म काठमान्डुलाई हराउन सकेको छैन् । त्यसैले काठमान्डुसामु पोखरामाथि जितको ह्याट्रिक बनाउने अवसर पनि हुनेछ । पोखरा भने यसपल्ट पनि प्ले–अफ समीकरणबाट बाहिरिसकेको छ र दुई अंकमै सीमित रहेर लिग तालिकाको अन्तिम स्थानमा छ ।
काठमान्डु टिम : करण केसी (कप्तान), भीम सार्की, रसिद खान, सन्तोष यादव, गणेश गौत्तम, सोनु देवकोटा, सुमित महर्जन, जहान्दाद खान, सहन अराचिगे, विलियम बोसिस्टो र समिट पटेल ।
पोखरा टिम : कुशल भुर्तेल, विपिन खत्री, अर्जुन कुमाल, दिनेश खरेल, विपिन आचार्य, विवेक रानामगर, सन्नी विक, रमेश मेन्डिस, युवराम समरा, चामिका करुनारत्ने (कप्तान), धनञ्जय लक्सन ।
