Trending
Prev Story
Next Story

इलाममा हर्क साम्पाङका चार सभा, उद्देश्य चुनावी तयारी

Onlinekhabar •
November 19, 2026 • 01:30 PM
3
3 reads 0 reactions

३ मंसिर, इलाम । स्थानीय निर्वाचनको तयारीमा होमिएको श्रम संस्कृति पार्टीले इलाममा पनि गतिविधि बढाएको छ । अध्यक्ष हर्क साम्पाङकै उपस्थितिमा इलाम र पाँचथरको सीमावर्ती क्षेत्रदेखि व्यापारिक केन्द्रहरूमा केही कार्यक्रम भइसकेको छ । ‘हातेमालो तथा श्रमदाता भेटघाट …

इलाममा हर्क साम्पाङका चार सभा, उद्देश्य चुनावी तयारी

३ मंसिर, इलाम । स्थानीय निर्वाचनको तयारीमा होमिएको श्रम संस्कृति पार्टीले इलाममा पनि गतिविधि बढाएको छ ।

अध्यक्ष हर्क साम्पाङकै उपस्थितिमा इलाम र पाँचथरको सीमावर्ती क्षेत्रदेखि व्यापारिक केन्द्रहरूमा केही कार्यक्रम भइसकेको छ ।

‘हातेमालो तथा श्रमदाता भेटघाट कार्यक्रम’ भनिए पनि पार्टीको उद्देश्य चुनावी तयारी रहेको नेताहरूले लुकाएका छैनन् । चुनावी तयारीकै क्रममा फाकफोकथुम गाउँपालिका, इलाम र पाँचथरको सीमावर्ती पञ्चमी बजार, सदरमुकाम इलाम बजार र फिक्कल बजारमा आमसभा भइसकेको छ ।

२९ कात्तिमा पञ्चमीमा, १ मंसिरमा फाकफोकथुमको आमचोक तथा २ मंसिरमा इलाम बजार र फिक्कल बजारमा सभा भएको छ ।

सभा सम्बोधन गर्न हर्क साम्पाङ फाकफोकथुम पुग्नुलाई भने चासोका साथ हेरिएको छ । ०८१ वैशाखमा सम्पन्न उपनिर्वाचनका क्रममा साम्पाङले दिएको अभिव्यक्तिका कारण उनको उपस्थितिलाई चासोका साथ हेरिएको हो ।

सुवास नेम्वाङको निधनपछि इलाम–२ का लगि भएको उपनिर्वाचनमा स्वतन्त्र उम्मेदवार डकेन्द्रसिं थेगिमलाई साम्पाङले समर्थन गरेका थिए । तर मुढा चिन्हमा अपेक्षित नतिजा नआएपछि धरान उपमहानगरका तत्कालीन मेयर साम्पाङले फाकफोकथुमको नामै बिगोरेर व्यंग्य गरेका थिए ।

‘त्यो ख्वाक खुक थुम भन्ने ठाउँ इलाममै थियो ?,’ त्यसबेला साम्पाङले सामाजिक सञ्जालमा लेखेका थिए ।

श्रम संस्कृतिका नेता सुदीप राई भने हर्क साम्पाङले त्यसबेला दिएको टिप्पणीले अहिले कुनै नकारात्मक प्रभाव नपारेको दाबी गर्छन् ।

‘अध्यक्षज्यूको त्यो स्टाटसले केही गलत प्रभाव पारेको छैन । बरू फाकफोकथुमवासीले उहाँलाई झन् भव्य स्वागत गर्नुभयो,’ राई भन्छन् ।

गत २१ फागुनको निर्वाचनमा आफूले पनि सबैभन्दा ठूलो आतिथ्य फाकफोकथुमवासीबाटै पाएको अनुभव पनि उनले सुनाए ।

फाकफोकथुमअघि साम्पाङले इलामको माङसेबुङ र पाँचथरको मिक्लाजुङ गाउँपालिकालाई लक्षित गर्दै सीमावर्ती पञ्चमी बजारमा आयोजित आमसभालाई सम्बोधन गरे ।

दुवै जिल्लाका नागरिकको व्यापारिक तथा सामाजिक केन्द्र मानिने पञ्चमीमा सभा गरेर पार्टीले जिल्ला सीमाभन्दा बाहिर पनि संगठनात्मक पहुँच विस्तार गर्ने रणनीति लिएको छ ।

त्यसैगरी बुधबार सदरमुकाम इलाम बजार र सूर्योदय नगरपालिकाको प्रमुख व्यापारिक केन्द्र फिक्कल बजारमा आमसभा आयोजना गरी सहरी तथा बजार क्षेत्रका मतदातासँग प्रत्यक्ष संवाद बढाउने प्रयास देखिन्छ ।

इलाम बजारमा आयोजित कार्यक्रममा इलाम जिल्ला कार्यसमिति उपाध्यक्ष संगिता भण्डारीलाई पहिलो मन्तव्य दिने अभ्यास गराएर गैर जनजाति बर्गलाई समेत आकर्षिक गर्ने प्रयास देखिन्छ ।

आमसभा मार्फत राजनीतिक सन्देश प्रवाह गर्नुका साथै श्रम संस्कृति पार्टीले पुराना दलका स्थापित नेताहरूलाई भित्र्याउने क्रमलाई पनि तीव्रता दिएको छ ।

केही महिना अघि मात्र श्रम संस्कृति पार्टीमा प्रवेश गरेका नेकपा एमालेका पूर्वजिल्ला सचिव उमेश गुरुङ र माइजोगमाई गाउँपालिकाका पूर्वअध्यक्ष जितबहादुर राईलाई बुधबार इलाममा आयोजित कार्यक्रममा ‘फ्रण्ट फेस’ को रुपमा श्रम संस्कृतिले पेश गरेको थियो ।

एमालेको जिल्ला संगठनमा लामो समय काम गरेका गुरुङको प्रवेशलाई इलामको राजनीतिमा अर्थपूर्ण मानिएको थियो । २०७४ सालको स्थानीय निर्वाचनमा एमालेबाट गाउँपालिका अध्यक्ष निर्वाचित भएका राई २०७९ को निर्वाचनमा नेकपा एकीकृत समाजवादीबाट उम्मेदवार बनेका थिए ।

स्थापित स्थानीय व्यक्तित्वहरू भित्रिएसँगै माङसेबुङ, फाकफोकथुम, माइजोगमाई र सूर्योदयलगायतका स्थानीय तहमा पार्टीको संगठनात्मक आधार बलियो बन्ने श्रम संस्कृति पार्टी, इलामले दावी गर्दै आएको छ ।

श्रम संस्कृति पार्टीले कोशी प्रदेशलाई आफ्नो मुख्य आधार क्षेत्र बनाउँदै आगामी प्रदेश र स्थानीय निर्वाचनको तयारी थालेको छ ।

यसअघि भदौमा सार्वजनिक ‘केचना–सगरमाथा हातेमालो’ अभियानमार्फत श्रमदानसँगै संगठन निर्माणलाई अघि बढाएको पार्टीले अध्यक्ष साम्पाङलाई भावी प्रधानमन्त्री र वरिष्ठ नेता सुदन किरातीलाई कोशी प्रदेशको मुख्यमन्त्रीका रूपमा अघि सार्ने लक्ष्य राखेको थियो ।

गत प्रतिनिधिसभा निर्वाचनको मतपरिणामले पनि कोशीमा यो पार्टीको बलियो उपस्थिति पुष्टि गरिसकेको छ । प्रदेशका १४ जिल्लाबाट २ लाख ९२ हजार ४९ मत प्राप्त गर्दै श्रम संस्कृति पार्टी कोशीको दोस्रो ठूलो राजनीतिक शक्ति बनेको थियो ।

पहिलो स्थानमा रहेको राष्ट्रिय स्वतन्त्र पार्टी (रास्वपा) ले ८ लाख ५३ हजार १८३ मत प्राप्त गरेको थियो । इलाममा मात्रै पार्टीको चुनावी प्रभाव उल्लेखनीय देखिएको थियो ।

इलाम–१ मा पार्टीका उम्मेदवार विनोद नेम्वाङ १३ हजार ६३२ मतसहित निकटतम प्रतिस्पर्धी बनेका थिए भने इलाम–२ मा सुदीप राईले १४ हजार ४०० मत प्राप्त गरेका थिए ।

प्रतिनिधिसभा निर्वाचनमा प्राप्त उत्साहजनक मतलाई स्थानीय तहको निर्वाचनमा संगठनात्मक जितमा रूपान्तरण गर्नु श्रम संस्कृति पार्टीका लागि मुख्य चुनौती हो । स्थानीय चुनावमा राष्ट्रिय राजनीतिक मुद्दामात्र नभई सडक, खानेपानी, शिक्षा, स्वास्थ्य, कृषि र स्थानीय सेवा प्रवाहजस्ता प्रत्यक्ष सरोकारका विषयले मतदाताको निर्णयमा भूमिका खेल्छन् ।

गैरजनजाति मतदाताको प्रत्यक्ष उपस्थिति शुन्यजस्तै रहेको श्रम संस्कृति पार्टीमा गैर जनजाति प्रतिनिधिहरू समेट्नु पनि सो पार्टीको चुनौती हो । इलाममा साम्पाङको लगातारको सक्रियता, चार स्थानका आमसभा र पुराना दलका नेताहरूको प्रवेशले चुनावी माहोल तताएको छ ।

तर सभामा देखिएको यो उत्साह र पार्टी प्रवेशको लहर आगामी स्थानीय तह निर्वाचनको मतपेटिकामा कति रूपान्तरण हुन्छ, त्यो हेर्न बाँकी छ ।

श्रेष्ठ अनलाइनखबरका इलाम संवाददाता हुन् ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Hamro Patro News
6h ago
मिति नतोकिँदै लमजुङमा आगामी निर्वाचनको तयारी सुरु

मिति नतोकिँदै लमजुङमा आगामी निर्वाचनको तयारी सुरु

मिति नतोकिँदै लमजुङमा आगामी निर्वाचनको तयारी सुरु जिल्ला समितिले वडा समितिहरूलाई मंसिर २५ गतेभित्र मतदान स्थल र केन्द्रसम्बन्धी सिफारिस पठाउन पत्राचार गर्ने निर्णय गरेको छ। मंसिर ३, २०८३ आश गुरु...

#तयारी #मंसिर
Compare →
Nagarik News
45m ago
हरिबोधिनी एकादशीका लागि बूढानीलकण्ठमा दर्शन र पार्किङको तयारी पूरा

हरिबोधिनी एकादशीका लागि बूढानीलकण्ठमा दर्शन र पार्किङको तयारी पूरा

शुक्रबार मनाइने हरिबोधिनी एकादशीका अवसरमा काठमाडौंको बूढानीलकण्ठ नारायणस्थानमा भक्तजनको सहज दर्शनका लागि आवश्यक तयारी पूरा भएको छ।

#तयारी
Compare →
Ekantipur
1h ago
बराहक्षेत्रमा कात्तिके मेलाको तयारी पूरा

बराहक्षेत्रमा कात्तिके मेलाको तयारी पूरा

कोशी नदी र कोकाह खोलाको संगममा रहेको धाममा स्नान, पूजाआराधना र दर्शनका लागि देशविदेशबाट श्रद्धालु आउनेछन्।

#तयारी
Compare →
Bizshala
1d ago
बालेनको भारत भ्रमणमा १७ अर्ब ६० करोडको ग्यास परियोजना मुख्य एजेन्डा, भारतसँग अनुदान माग्ने तयारी

बालेनको भारत भ्रमणमा १७ अर्ब ६० करोडको ग्यास परियोजना मुख्य एजेन्डा, भारतसँग अनुदान माग्ने तयारी

काठमाण्डौ । प्रधानमन्त्री बालेन्द्र शाह (बालेन) को आसन्न भारत भ्रमणमा नेपालले झन्डै साढे १७ अर्ब रुपैयाँ लागतको ग्यास...

#तयारी
Compare →

Related Stories

Politics & Governance
Build #2612