काठमाडौँ- नेपालले जलवायु परिवर्तनको असर न्यूनीकरण, अनुकूलन क्षमता अभिवृद्धि र दिगो आर्थिक विकासका लागि अन्तर्राष्ट्रिय जलवायु वित्त तथा निजी क्षेत्रको लगानी परिचालन गर्ने रणनीतिक पहल अघि बढाएको छ। जलवायु परिवर्तनसम्बन्धी संयुक्त राष्ट्रसंघीय सम्मेलन (कोप-३१) का क्रममा नेपालले जलवायु वित्त, कार्बन व्यापार, बहुपक्षीय विकास बैंकको सहयोग तथा हरित पूर्वाधारमा निजी लगानी भित्र्याउने विषयमा उच्चस्तरीय छलफल गरेको हो।
कोप-३१ को अवसरमा स्वच्छ ऊर्जा लगानीकर्ता तथा जलवायु अभियन्ता समृद्धि ज्ञवालीले ग्लोबल ग्रिन ग्रोथ इन्स्टिच्युट (जीजीजीआई) का उपकार्यकारी निर्देशक तथा हरित विकास कार्यान्वयन प्रमुख डा. माले फोफाना र ग्रिन क्लाइमेट फन्ड (जीसीएफ) की पूर्वी तथा दक्षिण एसिया क्षेत्रीय प्रबन्धक डियान जेगामसँग रणनीतिक परामर्श गरेकी हुन्। छलफलमा नेपालको हरित अर्थतन्त्र निर्माणका लागि अन्तर्राष्ट्रिय वित्तीय स्रोत परिचालन, जलवायु अनुकूलन कार्यक्रम, पेरिस सम्झौताको धारा ६ अन्तर्गत कार्बन बजारको उपयोग तथा निजी क्षेत्रको लगानी विस्तारलाई प्राथमिकतामा राखिएको थियो।
स्रोतमा पूरा पढ्नुहोस् ( himalpress.com )