Trending
Prev Story
Next Story

१ अर्ब ६९ करोडको संगठित ठगी आरोपमा दुई पूर्वश्रममन्त्री र पूर्वसचिवसहित ६ जना पक्राउ

Nagarik News •
November 18, 2026 • 03:47 PM
7
7 reads 0 reactions

मलेसिया जाने श्रमिकलाई संगठित रूपमा ठगी गरी १ अर्ब ६९ करोड रुपैयाँभन्दा बढी रकम अपचलन गरेको आरोपमा नेपाल प्रहरीको केन्द्रीय अनुसन्धान ब्युरो (सीआईबी) ले दुई पूर्वमन्त्रीसहित ६ जनालाई पक्राउ गरेको छ।

१ अर्ब ६९ करोडको संगठित ठगी आरोपमा दुई पूर्वश्रममन्त्री र पूर्वसचिवसहित ६ जना पक्राउ

मलेसिया जाने श्रमिकलाई संगठित रूपमा ठगी गरी १ अर्ब ६९ करोड रुपैयाँभन्दा बढी रकम अपचलन गरेको आरोपमा नेपाल प्रहरीको केन्द्रीय अनुसन्धान ब्युरो (सीआईबी) ले दुई पूर्वमन्त्रीसहित ६ जनालाई पक्राउ गरेको छ।

बुधबार काठमाडौं जिल्ला अदालतबाट पक्राउ पुर्जी जारी गर्ने अनुमति लिएर उनीहरूलाई काठमाडौं, ललितपुर र सर्लाहीका विभिन्न स्थानबाट पक्राउ गरिएको हो।

सीआईबीका प्रवक्ता एवं प्रहरी वरिष्ठ उपरीक्षक अनुपमशमशेर जबराका अनुसार पक्राउ पर्नेमा तत्कालीन श्रम, रोजगार तथा सामाजिक सुरक्षा मन्त्रीद्वय ६० वर्षीय शेरबहादुर कुँवर र ६१ वर्षीय रामेश्वर राय यादव छन्।

अछामको चौरपाटी गाउँपालिका-४ स्थायी घर भई हाल ललितपुरको महालक्ष्मी नगरपालिका-५ बस्ने कुँवर र सर्लाहीको चक्रघट्टा गाउँपालिका बेल्हीका यादवसँगै मन्त्रालयका तत्कालीन सचिव ६४ वर्षीय विनोद केसी पनि पक्राउ परेका छन्। केसी ललितपुर महानगरपालिका-२३ का बासिन्दा हुन्।

त्यसैगरी, श्रम, रोजगार तथा सामाजिक सुरक्षा मन्त्रालयका तत्कालीन रोजगार व्यवस्थापन महाशाखा प्रमुख (सह-सचिव) द्वय ५१ वर्षीय उमेश ढुङ्गाना र ५३ वर्षीय राजिव पोखरेललाई पनि प्रहरीले पक्राउ गरेको छ।

ढुङ्गाना काठमाडौंको गोकर्णेश्वर नगरपालिका-५ र पोखरेल ललितपुर महानगरपालिका-१५ का बासिन्दा हुन्।

पक्राउ पर्ने अर्की व्यक्ति सोही महाशाखाकी तत्कालीन कानुन अधिकृत (उप-सचिव) काठमाडौं महानगरपालिका-९ भत्केकोपुलकी ४९ वर्षीया निर्मला गुरुङ रहेकी छन्।

सीआईबीका अनुसार प्रधानमन्त्री तथा मन्त्रिपरिषद्को कार्यालयको पत्र र विकास रानाभाटसमेतको जाहेरीले वादी नेपाल सरकार तथा प्रतिवादी कैलाश खड्कासमेत भएको ठगी तथा संगठित अपराध निवारण ऐन, २०७० अन्तर्गतको कसुरमा उनीहरूलाई पक्राउ गरिएको हो।

मलेसिया र नेपाल सरकारबीच भएको सम्झौता (एमओयू) विपरीत गैरकानुनी रूपमा संकलित ८३ लाख ७० हजार ४३९.९२ अमेरिकी डलर र ३७ लाख १७ हजार ९८०.८० पाउन्ड स्टर्लिङ गरी कुल १ अर्ब ६९ करोड २ लाख २४ हजार २६ रुपैयाँ ७६ पैसा (रू. १,६९,०२,२४,०२६.७६) मलेसिया पठाउन संलग्न रहेको अभियोग उनीहरूमाथि छ।

पदीय जिम्मेवारी तथा अधिकार क्षेत्र नाघेर बदनियतपूर्वक विदेशी मुद्रा अपचलन गराई देशको अर्थतन्त्र र मुद्रा संचितीकरणमा नोक्सानी पुर्‍याएको सीआईबीले जनाएको छ।

संगठित समूहको लाभका लागि श्रमिकमाथि भइरहेको ठगीमा मौन रही कानुनी उपचार नगरी गैरकानुनी रूपमा रकम मलेसिया पठाउने निर्णय गर्ने कार्यमा उनीहरू संलग्न रहेको आरोप छ।

पक्राउ परेकाहरूमाथि थप अनुसन्धान भइरहेको सीआईबीले जनाएको छ।

प्रकाशित: २ मंसिर २०८३ २१:३२ बुधबार

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Bizshala
4h ago
मलेसिया जाने श्रमिकबाट उठाइएको १ अर्ब ६९ करोडमाथि छानबिनमा दुई पूर्वश्रममन्त्रीसहित ६ पक्राउ

मलेसिया जाने श्रमिकबाट उठाइएको १ अर्ब ६९ करोडमाथि छानबिनमा दुई पूर्वश्रममन्त्रीसहित ६ पक्राउ

काठमाण्डौ । मलेसिया जाने नेपाली श्रमिकबाट गैरकानुनी रूपमा उठाइएको रकम मलेसिया पठाउने निर्णयमा संलग्न रहेको आरोपमा दुई...

#मलेसिया #जाने #पूर्वश्रममन्त्री
Compare →
Ekantipur
5h ago
मलेसिया श्रमिक ठगी प्रकरणमा दुई पूर्वमन्त्रीसहित ६ जना पक्राउ

मलेसिया श्रमिक ठगी प्रकरणमा दुई पूर्वमन्त्रीसहित ६ जना पक्राउ

नेपाल प्रहरीको केन्द्रीय अनुसन्धान ब्युरो (सीआईबी) ले बुधबार पूर्वश्रम, रोजगार तथा सामाजिक सुरक्षामन्त्री शेरबहादुर कुँवर र रामेश्वर राय यादवसहित मन्त्रालयका तत्कालीन सचिव, सहसचिव र उपसचिवलाई पक्राउ गरेको हो ।

#सीआईबी #मलेसिया #ठगी
Compare →
Onlinekhabar
5h ago
मलेसिया श्रमिक ठगी प्रकरण : दुई पूर्वमन्त्रीसहित ६ जना पक्राउ

मलेसिया श्रमिक ठगी प्रकरण : दुई पूर्वमन्त्रीसहित ६ जना पक्राउ

२ मंसिर, काठमाडौं । मलेसियामा वैदेशिक रोजगारीमा जाने श्रमिकसँग ठगी गरी संकलन गरिएको रकम गैरकानुनी रूपमा मलेसिया पठाउने निर्णयमा संलग्न रहेको आरोपमा दुई पूर्वमन्त्रीसहित ६ जना पक्राउ परेका छन् । पक्राउ पर्नेमा तत्कालीन श्रम, रोजगार तथा …

#ठगी #मलेसिया
Compare →
Hamro Patro News
2d ago
महान्यायाधिवक्ताको प्रश्न– ‘३८ क्विन्टल सुन तस्करीमा समेत संगठित अपराधको आरोप स्थापित नहुने ?’

महान्यायाधिवक्ताको प्रश्न– ‘३८ क्विन्टल सुन तस्करीमा समेत संगठित अपराधको आरोप स्थापित नहुने ?’

३० कात्तिक, काठमाडौं । महान्यायाधिवक्ता कार्यालयले ३८ क्विन्टल सुन तस्करी र सनम शाक्यको हत्या भएको घटनामा मुछिएकाहरूलाई समेत संगठित अपराधको कसुरबाट सफाइ दिइएको भन्दै जिल्ला र उच्च अदालतको फैसलाविरु...

#संगठित
Compare →

Related Stories

Politics & Governance
Build #2612