Trending
Prev Story
Next Story

कार्यालय समयमा लिन नमिल्ने भन्दै अर्को व्यक्तिमार्फत ३ लाख घुस लिने अधिकृतविरुद्ध मुद्दा

Nagarik News •
November 18, 2026 • 04:06 PM
7
7 reads 0 reactions

अख्तियार दुरुपयोग अनुसन्धान आयोगले ३ लाख ४५ हजार रुपैयाँ घुस लिएको अभियोगमा जलस्रोत तथा सिँचाइ विकास डिभिजन, वीरगन्ज, पर्साका दुई अधिकृतविरुद्ध बुधबार विशेष अदालत, काठमाडौंमा आरोपपत्र दायर गरेको छ।

कार्यालय समयमा लिन नमिल्ने भन्दै अर्को व्यक्तिमार्फत ३ लाख घुस लिने अधिकृतविरुद्ध मुद्दा

अख्तियार दुरुपयोग अनुसन्धान आयोगले ३ लाख ४५ हजार रुपैयाँ घुस लिएको अभियोगमा जलस्रोत तथा सिँचाइ विकास डिभिजन, वीरगन्ज, पर्साका दुई अधिकृतविरुद्ध बुधबार विशेष अदालत, काठमाडौंमा आरोपपत्र दायर गरेको छ।

आयोगका प्रवक्ता सुरेश न्यौपानेका अनुसार डिभिजन कार्यालयका अधिकृत छैठौं (प्राविधिक) गजेन्द्र प्रसाद जायसवाल र अधिकृत छैठौं (प्राविधिक) विकी यादवविरुद्ध मुद्दा दायर गरिएको हो।

आर्थिक वर्ष २०८२/०८३ मा पर्साको ठोरी गाउँपालिका-३ मा ‘जलस्रोतको पुनर्भरण/भण्डारण कार्य (सार्वजनिक इनार/पोखरीको) निर्माण तथा मर्मत सम्भार कार्य’ योजना सम्पन्न भएपछि भुक्तानी र धरौटी रकम फिर्ता दिने प्रयोजनका लागि सेवाग्राहीसँग घुस लिएको आरोप उनीहरूमाथि छ।

दसी प्रमाणसहित प्राप्त उजुरीमाथि अनुसन्धान हुँदा दुवै जनाको आपसी मिलेमतोमा पद र ओहदाको दुरुपयोग गरी सेवाग्राहीसँग बार्गेनिङमार्फत ३ लाख ४५ हजार रुपैयाँ घुस लिन सहमत भएको पुष्टि भएको आयोगले जनाएको छ।

पूर्वयोजना र सहमतिबमोजिम प्रतिवादी जायसवालले कार्यालय समयमा पैसा लिन मिल्दैन भनी सोही स्थानमा रहेको अर्को व्यक्तिलाई घुस रकम दिन भनेको र सोहीअनुसार रकम लिइएको अनुसन्धानबाट खुलेको छ।

आयोगले दुवै प्रतिवादीविरुद्ध भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुरमा ३ लाख ४५ हजार रुपैयाँ बिगो कायम गरेको छ।

सोही ऐनको दफा ३ को उपदफा (१) को देहाय (ग) बमोजिम कैद र दफा ३ को उपदफा (१) बमोजिम बिगोबमोजिम जरिवाना सजाय मागदाबी लिई विशेष अदालतमा आरोपपत्र दायर गरिएको आयोगले जनाएको छ।

प्रकाशित: २ मंसिर २०८३ २१:५१ बुधबार

Prev Swipe Story Next

Same Story from Other Publications

Compare how 1 other independent news outlet reported on this story.

1 Publication
Onlinekhabar
1d ago
हिमाली मुद्दा औपचारिक एजेन्डाबाहिर, जलवायु वित्तमा फेरि अर्को मार्गचित्र

हिमाली मुद्दा औपचारिक एजेन्डाबाहिर, जलवायु वित्तमा फेरि अर्को मार्गचित्र

१ मंसिर, अन्ताल्या (टर्किए) । टर्कीको अन्ताल्यामा जारी जलवायु परिवर्तनसम्बन्धी संयुक्त राष्ट्रसङ्घीय सम्मेलन (कोप–३१) मा नेपालले उठाएको हिमाली मुद्दाले अपेक्षित अन्तर्राष्ट्रिय मान्यता पाउन सकेन । हिमाली क्षेत्रमा जलवायु परिवर्तनको विशिष्ट प्रभावलाई सम्मेलनको औपचारिक कार्यसूचीमा छुट्टै …

#अर्को #मुद्दा
Compare →

Related Stories

Technology
Build #2612