Trending
Prev Story
Next Story

भारतमा अमेजनको सात अर्ब डलर लगानी

Onlinekhabar •
November 18, 2026 • 02:31 PM
3
3 reads 0 reactions

२ मङ्सिर, नयाँदिल्ली (रासस/एएफपी)। अमेरिकी बहुराष्ट्रिय कम्पनी अमेजनले भारतमा स्वच्छ ऊर्जा उत्पादन विस्तार गर्न सन् २०३० सम्ममा सात अर्ब अमेरिकी डलर (करिब नौ खर्ब ८० अर्ब रुपैयाँ) लगानी गर्ने घोषणा गरेको छ । यस लगानीबाट भारतमा …

भारतमा अमेजनको सात अर्ब डलर लगानी

२ मङ्सिर, नयाँदिल्ली (रासस/एएफपी)। अमेरिकी बहुराष्ट्रिय कम्पनी अमेजनले भारतमा स्वच्छ ऊर्जा उत्पादन विस्तार गर्न सन् २०३० सम्ममा सात अर्ब अमेरिकी डलर (करिब नौ खर्ब ८० अर्ब रुपैयाँ) लगानी गर्ने घोषणा गरेको छ ।

यस लगानीबाट भारतमा नवीकरणीय ऊर्जा उत्पादन बढाउनुका साथै कम्पनीका सञ्चालनमा प्रयोग हुने विद्युत्को कार्बन उत्सर्जन घटाउन सहयोग पुग्ने अपेक्षा गरिएको छ ।

भारतले सन् २०३० सम्म पाँच सय गिगावाट स्वच्छ ऊर्जा उत्पादन क्षमता पुर्‍याउने लक्ष्य राखेको छ । उक्त लक्ष्य हासिल गर्न सरकारले करिब दुई खर्ब २० अर्ब डलर लगानी गर्नुपर्ने अनुमान गरिएको छ ।

अमेजनले भारतमा यसअघि नै नवीकरणीय ऊर्जा क्षेत्रमा चार अर्ब डलरभन्दा बढी लगानी गर्ने प्रतिबद्धता जनाइसकेको छ । कम्पनीका अनुसार यसले अमेजनलाई भारतमा कार्बनमुक्त विद्युत्को प्रमुख कर्पोरेट खरिदकर्तामध्ये एक बनाएको छ ।

कम्पनीले आफ्नो विद्यमान लगानी कार्यक्रमअन्तर्गत संयुक्त रूपमा ९३४ मेगावाट विद्युत् उत्पादन क्षमता भएका चार नयाँ सौर्य तथा पवन ऊर्जा परियोजना पनि घोषणा गरेको छ ।

अमेजनकी प्रमुख स्थायित्व अधिकारी कारा हस्र्टले भारतमा नवीकरणीय ऊर्जा क्षेत्रमा गरिएको लगानी दीर्घकालीन योजना र उद्योग क्षेत्रसँगको सहकार्यको परिणाम भएको बताएका छन् । थप सात अर्ब डलरको लगानीले नयाँ सौर्य तथा पवन ऊर्जा परियोजना सञ्चालनमा ल्याउन सहयोग पुग्ने उनको भनाइ छ ।

यद्यपि, कम्पनीले नयाँ लगानी कुन परियोजनामा र कसरी खर्च गर्ने भन्ने विस्तृत विवरण सार्वजनिक गरेको छैन ।

कोइला र तेलमा निर्भर भारतले पछिल्लो एक दशकमा स्वच्छ ऊर्जाको विस्तारलाई तीव्रता दिएको छ । हाल भारतको कुल जडित विद्युत् उत्पादन क्षमताको ५४ प्रतिशतभन्दा बढी हिस्सा सौर्य, वायु तथा जलविद्युत्लगायत गैरजीवाश्म इन्धन स्रोतबाट प्राप्त हुने गरेको छ ।

बढ्दो विद्युत् माग पूरा गर्दै जलवायु परिवर्तनसम्बन्धी प्रतिबद्धता कार्यान्वयन गर्न भारतले नवीकरणीय ऊर्जा उत्पादन विस्तारलाई प्राथमिकता दिँदै आएको छ ।

अमेजनको पछिल्लो लगानी आफ्नो विश्वव्यापी सञ्चालन, विशेषगरी डाटा सेन्टर तथा अन्य सुविधामा खपत हुने विद्युत्को कार्बन उत्सर्जन घटाउने रणनीतिको पनि हिस्सा हो ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Hamro Patro News
1d ago
ऊर्जा मन्त्री श्रेष्ठको निरन्तरको पहल : हिउँदमा ३५० मेगावाट बिजुली दिन भारत तयार

ऊर्जा मन्त्री श्रेष्ठको निरन्तरको पहल : हिउँदमा ३५० मेगावाट बिजुली दिन भारत तयार

ऊर्जा, जलस्रोत तथा सिँचाइ मन्त्री विराज भक्त श्रेष्ठको निरन्तरको पहलमा भारत हिउँदयाममा नेपाललाई ३५० मेगावाट बिजुली उपलब्ध गराउन तयार भएको छ । भारतीय राजदूत सुधाकर दलेलाले आज मन्त्री श्रेष्ठलाई ऊर्ज...

#भारत #ऊर्जा
Compare →
Ekantipur
14m ago
‘जीटीए सिक्स’ बिहीबार सार्वजनिक हुँदै, अग्रिम बिक्री एक अर्ब डलर नाघ्यो

‘जीटीए सिक्स’ बिहीबार सार्वजनिक हुँदै, अग्रिम बिक्री एक अर्ब डलर नाघ्यो

रकस्टार गेम्सको यो नयाँ संस्करण सार्वजनिक हुनुअघि नै १.५ करोडभन्दा बढी प्रि-अर्डर र करिब १.५ अर्ब डलरको कारोबार भएको छ ।

#डलर
Compare →
Nagarik News
1h ago
प्रधानमन्त्रीलाई पाँच सुझाव- ‘भारत जाँदा समस्या गुन्द्रीमुनि नलुकाउनु, सङ्कोच नमानी कुरा राख्नू’

प्रधानमन्त्रीलाई पाँच सुझाव- ‘भारत जाँदा समस्या गुन्द्रीमुनि नलुकाउनु, सङ्कोच नमानी कुरा राख्नू’

नेकपा एमालेका नेता एवं पूर्वपरराष्ट्रमन्त्री प्रदीप ज्ञवालीले आसन्न भारत भ्रमणमा निस्कनुअघि सबै राजनीतिक दलसँग परामर्श गरी राष्ट्रिय सहमति जुटाउन प्रधानमन्त्री बालेन शाहलाई सुझाव दिएका छन्।

#भारत
Compare →
Bizshala
5h ago
बालेनको भारत भ्रमणमा १७ अर्ब ६० करोडको ग्यास परियोजना मुख्य एजेन्डा, भारतसँग अनुदान माग्ने तयारी

बालेनको भारत भ्रमणमा १७ अर्ब ६० करोडको ग्यास परियोजना मुख्य एजेन्डा, भारतसँग अनुदान माग्ने तयारी

काठमाण्डौ । प्रधानमन्त्री बालेन्द्र शाह (बालेन) को आसन्न भारत भ्रमणमा नेपालले झन्डै साढे १७ अर्ब रुपैयाँ लागतको ग्यास...

#भारत
Compare →

Related Stories

Business & Economy
Build #2612