Trending
Prev Story
Next Story

हुथी समुहका ६० वटा सैन्य लक्ष्य ध्वस्त पारेको साउदीको दाबी

Ekantipur •
November 18, 2026 • 09:32 AM
3
3 reads 0 reactions

सोमबार साउदी राजा सलमानको शाही आदेशमार्फत साउदी-यमन गठबन्धनको संयुक्त फौजको नेतृत्व फेरिएको घोषणा गरेका थिए

हुथी समुहका ६० वटा सैन्य लक्ष्य ध्वस्त पारेको साउदीको दाबी

सोमबार साउदी राजा सलमानको शाही आदेशमार्फत साउदी-यमन गठबन्धनको संयुक्त फौजको नेतृत्व फेरिएको घोषणा गरेका थिए

रियाद — साउदी नेतृत्वको गठबन्धनका प्रवक्ता तुर्की अल-मलिकले  हुथी विद्रोहीहरुविरुद्धको विशेष सैन्य कारबाही प्रभावकारी बन्दै गएको दाबी गरेका छन् ।

उनका अनुसार मंगलबार गठबन्धनले साना, हुदाइदाह, अम्रान र सादा प्रान्तहरूमा रहेका हुथी समूहका ६० वटा सैन्य लक्ष्यहरूमा प्रहार गरेको छ । ती स्थानहरु आक्रमणले ध्वस्त भएको दाबी पनि उनले गरेका छन् । उनले बुधबार बिहान सामाजिक सञ्जालमार्फत यस्तो दाबी गरेका हुन् ।

मलिकले उक्त कारबाहीको मुख्य उद्देश्य हुथीहरूको ब्यालिस्टिक क्षेप्यास्त्र र ड्रोन प्रहार गर्ने क्षमतालाई कमजोर बनाउनुको साथै समुद्रमा उनीहरूको खतरालाई समाप्त पार्नु रहेको बताएका छन्।

यस कारबाहीको क्रममा गठबन्धन सेनाले ब्यालिस्टिक क्षेप्यास्त्र भण्डारण गर्न प्रयोग गरिने हुथीहरूको पहाडी सुरुङहरू पनि ध्वस्त पारेको उनले दाबी गरे ।

त्यसैगरी, मलिकले सोही दिन हुथीहरूले साउदी अरबको रियाद प्रान्तलाई लक्षित गरी प्रहार गरेको क्रुज क्षेप्यास्त्रलाई पनि गठबन्धन सेनाले आकाशमै रोकी ध्वस्त पारेको जानकारी गराएका छन्।

यसअघि सोमबार साउदी राजा सलमानको शाही आदेशमार्फत साउदी-यमन गठबन्धनको संयुक्त फौजको नेतृत्व फेरिएको घोषणा गरेका थिए ।

नयाँ सैन्य व्यवस्थाअनुसार यसअघिका कमाण्डर लेफ्टिनेन्ट जनरल फहद बिन हमद अल-सलमानलाई साउदी रक्षा मन्त्रीका सैन्य मामिला सल्लाहकारमा नियुक्त गरिएको छ।

त्यस्तै, चिफ अफ जनरल स्टाफ जनरल फैयाद अल-रुआइलीलाई संयुक्त फौजको कमाण्ड सम्हाल्नेगरी जिम्मेवारी दिइएको छ। यमनमा साउदीले हुथीविरुद्धको लडाइँमा त्यहाँको सरकारी सेनालाई साथ दिइरहेको छ ।

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Onlinekhabar
1d ago
यमनमा हुथी विद्रोहीको तीव्र विस्तार, साउदी गठबन्धनलाई ठूलो धक्का

यमनमा हुथी विद्रोहीको तीव्र विस्तार, साउदी गठबन्धनलाई ठूलो धक्का

साउदी अरबले यमनमा हुथी विद्रोहीको विरूद्धको आफ्नो नेतृत्वको सैन्य गठबन्धनका कमान्डरलाई पदबाट हटाएको छ । सैन्य अभियानमा साउदी समर्थित यमनी सरकारी सेनाले ठूला रणनीतिक भूभागहरू गुमाउँदै पछि हट्नुपरेपछि साउदी अरबले यो कदम चालेको हो । यो सैन्य …

#साउदी #हुथी #सैन्य
Compare →
Hamro Patro News
5h ago
रूसमा सैन्य मालवाहक विमान दुर्घटना, १९ जनाको मृत्यु

रूसमा सैन्य मालवाहक विमान दुर्घटना, १९ जनाको मृत्यु

काठमाडौं, मंसिर २ । रुसको साइबेरियास्थित केमेरोभो क्षेत्रमा सैन्य मालवाहक विमान दुर्घटना हुँदा त्यसमा सवार सबै १९ जनाको मृत्यु भएको छ । रुसको रक्षा मन्त्रालयका अनुसार नियमित उडानमा रहेको एएन–१२ वि...

#सैन्य
Compare →
Nagarik News
5h ago
रुसमा सैन्य मालवाहक विमान दुर्घटना, १९ जनाको मृ'त्यु

रुसमा सैन्य मालवाहक विमान दुर्घटना, १९ जनाको मृ'त्यु

रुसको साइबेरियामा सैन्य मालवाहक विमान दुर्घटना हुँदा त्यसमा सवार सबै १९ जनाको मृत्यु भएको छ।

#सैन्य
Compare →

Related Stories

Technology
Build #2612