काठमाडौं। सर्वोत्तम पेन्ट्स इण्डष्ट्रिज लिमिटेडको पाँचौँ वार्षिक साधारणसभाले सेयरधनीलाई १० प्रतिशत बोनस सेयर वितरण गर्ने प्रस्ताव सर्वसम्मतिले पारित गरेको छ। कम्पनीको असोज २५ गते सम्पन्न साधारणसभाले बोनस सेयर वितरणसँगै नगद लाभांश, पुँजी संरचना परिवर्तन तथा सञ्चालक चयनसम्बन्धी विभिन्न प्रस्तावसमेत पारित गरेको हो।
साधारणसभाले आर्थिक वर्ष २०८२/८३ सम्मको मुनाफाबाट तत्काल कायम चुक्तापुँजी ३४ करोड रुपैयाँको १० प्रतिशत अर्थात् ३ करोड ४० लाख रुपैयाँबराबरको बोनस सेयर वितरण गर्ने निर्णय गरेको छ।
बोनस सेयर वितरणपछि कम्पनीको चुक्तापुँजी ३७ करोड ४० लाख रुपैयाँ कायम हुने भएको छ। साधारणसभाले बोनस सेयर वितरणपछि कायम हुने पुँजी संरचनाअनुसार प्रबन्धपत्रमा आवश्यक संशोधन गर्ने प्रस्तावसमेत पारित गरेको छ।
साधारणसभाले आर्थिक वर्ष २०८२/८३ सम्मको मुनाफाबाट कम्पनीको चुक्तापुँजीको ०.५२६३ प्रतिशत नगद लाभांश वितरण गर्ने प्रस्ताव पनि स्वीकृत गरेको छ। उक्त नगद लाभांश लाभांशमा लाग्ने कर प्रयोजनका लागि वितरण गरिने कम्पनीले जनाएको छ।
साधारणसभाले बोनस सेयर वितरणपछि कम्पनीको चुक्तापुँजी ३७ करोड ४० लाख रुपैयाँ कायम गर्ने गरी पुँजी संरचना परिवर्तन गरेको छ।
संशोधित संरचनाअनुसार संस्थापक सेयरधनी समूहको स्वामित्व ७५ प्रतिशत अर्थात् २८ करोड ५ लाख रुपैयाँ रहनेछ। त्यस्तै, सर्वसाधारण सेयरधनी समूहको स्वामित्व २५ प्रतिशत अर्थात् ९ करोड ३५ लाख रुपैयाँ कायम हुने व्यवस्था गरिएको छ।
कम्पनीले दुवै समूहका सेयरको अंकित मूल्य प्रतिकित्ता १०० रुपैयाँ कायम गरेको छ।
अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।