पोखरा एभेन्जर्सले नेपाल प्रिमियर लिग क्रिकेटको बिहीबारको खेलमा विराटनगर किंग्सविरुद्ध ब्याटिङ गर्ने भएको छ । पोखराका कप्तान चामिका करुणारत्नेले टस जितेर विराटनगर किंग्सविरुद्ध ब्याटिङ गर्ने निर्णय गरेका हुन् ।
पोखराले विराटनगरविरुद्ध ब्याटिंग गर्दै पहिलो ओभरमा नै अर्जून कुमाललाई गुमाएको छ भने उसले १० रन जोडेको छ । अर्जून मात्र १ रन बनाएर आउट भए । उनलाई विराटनगरका एन्जेलो म्याथ्युजले आउट गरेका हुन् ।
विराटनगर किंग्सले आफ्नो टोलीमा तीन खेलाडी परिवर्तन गरेको छ । टोलीले अघिल्लो खेल खेलेको टोलीबाट नारायण जोशीको स्थानमा प्रतिश जिसी तथा एन्ड्रे रसेल र शुभम रन्जनेको स्थानमा चारिथ असलंका र इसुरु उडानालाई खेलाएको छ । रसेल पहिलो ५ खेल खेलेर फर्किसकेका छन् ।
पोखरा एभेन्जर्सका कप्तान चामिका करुणारत्नेले टस जितेर विराटनगर किंग्सविरुद्ध ब्याटिङ गर्ने निर्णय गरेका छन् । पोखरा एभेन्जर्सले आफ्नो टोलीमा दुई खेलाडी परिवर्तन गरेको छ । विवेक रानामगरको स्थानमा सागर ढकाल र माहेदी हसनको स्थानमा श्रीलंकाली अलराउन्डर रमेश मेन्डिसलाई खेलाएको छ ।
