काठमाडौं । बलिउड सुपरस्टार सलमान खानको मुख्य भूमिका रहेको बहुप्रतीक्षित युद्धप्रधान फिल्म ‘मातृभूमि : मे वार रेस्ट इन पिस’को ट्रेलर सार्वजनिक भएसँगै दिवंगत गायक तथा अभिनेता प्रशान्त तामाङ फेरि चर्चामा आएका छन्। फिल्मको ट्रेलरमा प्रशान्तको झलक देखिएपछि उनका नेपालीभाषी प्रशंसकहरू भावुक बनेका छन्। यो फिल्म उनको अन्तिम बलिउड फिल्मका रूपमा दर्शकमाझ आउँदैछ।
सन् २००७ मा ‘इन्डियन आइडल सिजन ३’ को उपाधि जितेर एकाएक चर्चामा आएका प्रशान्तले आफ्नो विशिष्ट स्वर र सरल व्यक्तित्वमार्फत भारतभर लाखौँ दर्शक तथा श्रोताको मन जितेका थिए। त्यसअघि उनी कोलकाता प्रहरीमा प्रहरी जवानका रूपमा कार्यरत थिए। सामान्य पारिवारिक पृष्ठभूमिबाट उठेर राष्ट्रिय स्तरको चर्चित गायन प्रतियोगिता जित्नु उनको जीवनको असाधारण उपलब्धि थियो।
Read full story at source ( barnanmedia.com )
