काठमान्डु ४ खेलमा ३ जितसहित दोस्रो स्थानमा छ । पहिलो खेलमा जनकपुर बोल्ट्ससॅग पराजित भएयता काठमान्डुले लगातार तीन खेल जितेको छ । चितवनलाई पराजित गरेमा काठमान्डु अंक तालिकाको शीर्ष स्थानमा पुग्ने छ । चितवनको ४ खेलमा ५ अंक छ र काठमान्डुमाथि विजय हात पारे टोली कम्तिमा दोस्रो स्थानमा उक्लने छ ।
चितवन राइनोजका बलर कमलसिंह ऐरीले काठमान्डु गोर्खाजको पहिलो विकेटका रुपमा डेभिड वार्नरलाई बोल्ड आउट गराएका छन् । तेस्रो ओभरको चौथो बलमा वार्नर मात्र १ रन बनाएको अवस्थामा पेभेलियन फर्कन बाध्य भए ।
टस हारेर पहिले ब्याटिङको निम्तो पाएको काठमान्डु गोर्खाजले २ ओभरमा विना विकेट क्षति ८ रन बनाएको छ । दोस्रो ओभरमा चितवन राइनोजका रिजन ढकालले मात्र १ रन दिए । क्रिजमा साहिल पटेल ७ रन र डेभिड वार्नर १ रनमा खेलिरहेका छन् ।
चितवन र काठमान्डु दुबै टोलीले अघिल्लो खेल खेलेको टोलीबाट १–१ खेलाडी परिवर्तन गरेको छ । चितवनले डेबिड मालनको स्थानमा कमिल मिसरा र काठमान्डुले शाहव आलमको स्थानमा गणेश गौतमलाई खेलाएको छ ।
चितवन राइनोजले नेपाल प्रिमियर लिग क्रिकेटको सोमबारको दोस्रो खेलमा पहिला फिल्डिङ गर्ने भएको छ । चितवनका कप्तान सिकन्दर राजाले त्रिवि अन्तर्राष्ट्रिय क्रिकेट मैदान कीर्तिपुरमा टस जितेपछि काठमान्डु गोर्खाजलाई ब्याटिङका लागि बोलाएका हुन् ।
