३ दिनमा धार्चे र चुमनुब्री क्षेत्रबाट ६०३ जनाको उद्धार गरिएको छ ।
गोरखा — बुढीगण्डकी बाढीपछिको तेस्रो दिन मंगलबार १ सय ५८ नेपाली र २६ विदेशी पर्यटकसहित १ सय ८६ जनाको उद्धार गरिएको छ । बाढीपछि पैदलमार्ग कटान हुँदा धार्चे र चुमनुब्री क्षेत्रमा फसेका नागरिकको हेलिकोप्टरमार्फत उद्धार गरिएको हो ।
बाढीपछिको तीन दिनको अवधिमा ६०३ जनाको उद्धार भएको गोरखाका सहायक प्रमुख जिल्ला अधिकारी नेत्रप्रसाद शर्माले बताए । तीन दिनमा ५ सय ३४ नेपाली र ४९ जना विदेशी पर्यटकको उद्धार भएको छ । उद्धार कार्य बुधबार पनि जारी रहने उनले बताए ।
हरिराम उप्रेती कान्तिपुरका गोरखा संवाददाता हुन् ।
