इटहरीमा नेपथ्यको ऐतिहासिक प्रस्तुति, एउटै लयमा झुमे १० हजार दर्शक

काठमाडौं – मौसम चिसिँदै थियो, तर इटहरी रंगशालाभित्रको माहोल भने तातिरहेको थियो । साँझ ढल्दै जाँदा रंगशालातर्फ ओइरिएको भीडले विशेष सांगीतिक साँझको संकेत गरिरहेको थियो। कसैको हातमा टिकट थियो, कसैको मनमा वर्षौंदेखि सुन्दै आएको प्रिय ब्यान्डलाई प्रत्यक्ष हेर्ने उत्सुकता । हजारौँ दर्शकको प्रतीक्षा एउटै थियो– नेपथ्य र अमृत गुरुङ ।

जब मञ्चमा नेपथ्य उक्लियो, चिसो सिरेटोबीच एकाएक उत्साहको लहर दौडियो । ताली, हुटिङ र दर्शकको सामूहिक स्वरले इटहरी रंगशाला गुञ्जायमान बन्यो। रंगीन प्रकाश, धुवाँका मुस्लो र आकाशतिर सोझिएका प्रकाशपुञ्जले वातावरणलाई थप रोमाञ्चक बनाइरहेका थिए । हजारौँ मोबाइलका बत्ती एकैसाथ बल्दा रंगशाला तारामय आकाशझैँ देखिन्थ्यो ।

Read full story at source ( bishowkhabar.com )