करिब ६ महिनादेखि रिक्त कोषको सदस्य सचिवमा मंगलबारको मन्त्रिपरिषद् बैठकले पाण्डेयलाई नियुक्त गरेको हो । सरकारले १२ पदका लागि खुला आवेदन माग गर्दा ७ सय २७ जनाको आवेदन परेको थियो, जसमध्ये सदस्यसचिव पदमा मात्रै २ सय ९ जनाको आवेदन परेको थियो ।
लुम्बिनी — पूर्वाधार विकासमन्त्री सुनिल लम्सालका प्रमुख सल्लाहकार सन्तोष पाण्डेय लुम्बिनी विकास कोषको सदस्य सचिवमा नियुक्त भएका छन् ।
करिब ६ महिनादेखि रिक्त कोषको सदस्य सचिवमा मंगलबारको मन्त्रिपरिषद् बैठकले पाण्डेयलाई नियुक्त गरेको हो । सरकारले १२ पदका लागि खुला आवेदन माग गर्दा ७ सय २७ जनाको आवेदन परेको थियो, जसमध्ये सदस्यसचिव पदमा मात्रै २ सय ९ जनाको आवेदन परेको थियो ।
पूर्वाधार विकास, संरचनागत इन्जिनियरिङ तथा सहरी योजना व्यवस्थापनका क्षेत्रमा राम्रो ज्ञान र अनुभव मानिने पाण्डेय रुपन्देही तिलोत्तमाका हुन् । उनी पूर्वाधार विकासमन्त्री लम्सालका प्रमुख सल्लाहकारका रूपमा कार्यरत थिए । उनको नियुक्तिसंगै लुम्बिनी विकास गुरुयोजनाको अधुरो काम सम्पन्न गरी लुम्बिनीको विकासले गति लिने अपेक्षा गरिएको छ ।
सदस्य सचिव कोषको प्रमुख कार्यकारी हुन् ।
कोष १९ वैशाखदेखि पदाधिकारीविहीन थियो । त्यस्तै ४ जना कोषको परिषद् सदस्यमा नियुक्त भएका छन् । डा. अमित केसी, अर्जुन कुर्मी, उपेखा गुरुमा र दिपक कौशल रहेका छन् । उनीहरु चारै जना रुपन्देहीका हुन् । चारै जनाले नियुक्ति पत्र बुझेको अर्जुन कुर्मीले बताए ।
सरकारले असोज ३० गते लुम्बिनी विकास कोषको उपाध्यक्षमा गायिकासमेत रहेकी आनी छोइङ डोल्मालाई नियुक्त गरेको थियो । तर उनको नियुक्तिको विषयलाई लिएर विरोध भइरहेको छ ।
मनोज पौडेल लुम्बिनीस्थित कान्तिपुर संवाददाता हुन् ।
-1778668160.jpg)
