कीर्तिपुरमा कप्तान हरमित सिंहले टस जितेपछि जनकपुरले विराटनगरलाई ब्याटिङको निम्ता दिएको छ, दुवै टोलीले एक–एक खेलाडी परिवर्तन गरेका छन्।
काठमाडौँ — जनकपुर बोल्ट्सले नेपाल प्रिमियर लिग (एनपीएल) क्रिकेटमा मंगलबारको पहिलो खेलमा विराटनगर किंग्सविरुद्ध पहिले फिल्डिङ गर्ने भएको छ । जनकपुरका कप्तान हरमित सिंहले त्रिवि अन्तर्राष्ट्रिय क्रिकेट मैदान कीर्तिपुरमा टस जितेर विराटनगरलाई ब्याटिङको निम्ता दिएका हुन् ।
जनकपुरको टोलीमा एक परिवर्तन गरिएको छ । मयन यादवको स्थानमा विशाल सुश्लिङ खेलिरहेका छन् । विराटनगरले पनि एक खेलाडी परिवर्तन गरेको छ । टोलीले प्रतिश जीसीको स्थानमा अपराजित पौडेललाई खेलाएको छ ।
जनकपुरको टोलीमा हरमित सिंहसहित मोइन अली, तृतराज दास, सैफ हसन, अनिल साह, जिम्मी निसम, अभिषेक तिवारी, अमरसिंह रौटेला, राहुल यादव, ललित राजवंशी र विशाल सुश्लिङ खेलिरहेका छन् ।
सन्दीप लामिछानेको कप्तानीमा रहेको विराटनगरको टोलीमा लोकेश बम, सेहान जयसूर्या, इमरान शेख, एन्जेलो म्याथ्युज, बसिर अहमद, शुभम रन्जने, एन्ड्रे रसेल, नारायण जोशी, अपराजित पौडेल र रुपेश सिंह छन् ।
यो खेल जित्ने टोली अंकतालिकाको शीर्ष स्थानमा पुग्नेछ । जनकपुरले ३ खेलमा २ जितसहित ४ अंक जोडेको छ भने विराटनगरले ३ खेलमा १ जित र २ हार बेहोरेको छ ।
विनोद पाण्डे कान्तिपुरका खेलकुद ब्यूरो प्रमुख हुन् ।
