छार्काताङसोङ गाउँपालिका–कागकोटकी २६ वर्षीया जुनु बुढालाई थप उपचारका लागि मंगलबार हेलिकप्टरबाट सुर्खेतस्थित कर्णाली प्रदेश अस्पताल ल्याइएको छ।
सुर्खेत — सुत्केरी व्यथाले च्यापेर स्वास्थ्य अवस्था जटिल बनेकी डोल्पाकी एक महिलालाई नेपाली सेनाको हेलिकप्टरबाट उद्धार गरिएको छ ।
छार्काताङसोङ गाउँपालिका–कागकोटकी २६ वर्षीया जुनु बुढालाई थप उपचारका लागि मंगलबार हेलिकप्टरबाट सुर्खेतस्थित कर्णाली प्रदेश अस्पताल ल्याइएको छ।
सुत्केरी व्यथा लागेपछि उनलाई सोमबार जिल्ला अस्पताल डोल्पा पुर्याइएको थियो। त्यहाँ उपचारका क्रममा स्वास्थ्य अवस्था थप जटिल बनेपछि सुविधासम्पन्न अस्पतालमा लैजानुपर्ने अवस्था आएको जिल्ला प्रशासन कार्यालय डोल्पाले जनाएको छ।
सोमबारदेखि नै गम्भीर अवस्थामा रहेकी बुढालाई मंगलबार नेपाली सेनाको हेलिकप्टरमार्फत उद्धार गरी सुर्खेत ल्याइएको हो।
ज्योति कटुवाल कान्तिपुरकी सुर्खेत संवाददाता हुन् ।
.jpeg)
.jpg)
