पिज्जा हटले ललितपुरमा दोस्रो आउटलेट सञ्चालनमा ल्याएको हो ।
काठमाडौँ — पिज्जा हटले गुण सिनेमा कम्प्लेक्स, ग्वार्कोमा आफ्नो नयाँ आउटलेट सञ्चालनमा ल्याएको छ । नेपालमा पिज्जा हटको आधिकारिक फ्रेन्चाइज सञ्चालक देवयानी इन्टरनेसनल नेपालले ललितपुरमा दोस्रो आउटलेट सञ्चालनमा ल्याएको हो ।
यससँगै उपत्यकाभित्र पिज्जा हटका आउटलेटको संख्या ७ पुगेको छ भने देशभर कुल आउटलेट संख्या १० रहेको छ ।
गुण सिनेमा कम्प्लेक्स, ग्वार्कोस्थित पिज्जा हटको नयाँ आउटलेट बिहान ११ बजेदेखि राति ११ बजेसम्म सञ्चालन हुने बताइएको छ । १ हजार १ सय २० वर्गफिट क्षेत्रफलमा फैलिएको यस आउटलेटमा एकैपटक ३१ जनाले बसेर खान सक्ने व्यवस्था छ ।
यहाँ ग्राहकले विभिन्न स्वाद र टपिङसहितका पिज्जा, स्वादिष्ट पास्ता तथा सबैको स्वादलाई ध्यानमा राखेर तयार पारिएका विभिन्न एपेटाइजरहरूको आनन्द लिन सक्ने कम्पनीको विज्ञप्तिमा उल्लेख छ ।
आउटलेट १ नोभेम्बर २०२६ देखि सुरु भएको छ । ग्राहकले उत्कृष्ट डाइन–इन तथा टेक–अवे अनुभवका लागि सिधै पिज्जा हट ग्वार्कोमा भ्रमण गर्न सक्नेछन् । फुडमान्डु, पठाओ तथा भोज डिल्समार्फत पनि डेलिभरी सेवा प्राप्त हुने कम्पनीले जनाएको छ ।
.png)
