काठमाडौं । नेपाल राष्ट्र बैंकले वित्तीय प्रविधि (फिनटेक) मा हुने नवप्रवर्तनलाई प्रोत्साहन गर्न नियामकीय तथा सुपरिवेक्षकीय व्यवस्था सुदृढ बनाउँदै अनुकूल वातावरण निर्माण गरिरहेको जनाएको छ। गभर्नर डा. विश्वनाथ पौडेलले केन्द्रीय बैंकमा आयोजित एक कार्यक्रमलाई सम्बोधन गर्दै फिनटेक नवप्रवर्तनको विकासका लागि आवश्यक नीतिगत र संस्थागत व्यवस्था अघि बढाइएको बताएका हुन्।
गभर्नर पौडेलले डिजिटल वित्तीय प्रणालीलाई प्रभावकारी बनाउन नवप्रवर्तक, बैंक तथा वित्तीय संस्था, भुक्तानी सेवा प्रदायक, विप्रेषण कम्पनी, प्रविधि कम्पनी र नियामक निकायबीच सहकार्य आवश्यक रहेको बताए। कृत्रिम बौद्धिकता, डिजिटल प्लेटफर्म, क्लाउड कम्प्युटिङ र डेटा एनालिटिक्सजस्ता प्रविधिको प्रयोगले वित्तीय सेवाको पहुँच, गुणस्तर, लागत र प्रभावकारितामा उल्लेखनीय परिवर्तन ल्याउन सक्ने उनको भनाइ थियो।
स्रोतमा पूरा पढ्नुहोस् ( kendrabindu.com )
