लगानीकर्ता छोटेलाल रौनियारले सोमबार नेप्सेको टीएसमएमा भएको समस्याका विषयमा नेपाल धितोपत्र बोर्ड (सेबोन) र अर्थमन्त्रीले तत्काल एक्सन लिनु पर्ने बताएका छन् । अर्थसंसारसँगको कुराकानीका क्रममा उनले यो विषय निकै सम्बेदनशील भएकाले सरोकारवाल निकायले चासोका साथ हेर्नु पर्ने बाएका हुन् ।
टीएमएसमा आएको समस्याले अन्तराष्ट्रिय रुपमा पनि यसको नकारात्मक सन्देश जाने उनको भनाइ छ । डाटा सुरक्षित रहेको भन्ने कुरा आएको भन्दै लगानीकर्ताको लगानी डुब्यो भने जबाफदेही को हुने ? उनको प्रश्न थियो । यो अहिलेको समस्या लोकल भेण्डरले निर्माण गरेको सिस्टम प्रयोग गरिएकाले आएको उनको भनाइ छ । ‘यत्रो लगानीकर्ताको लगानीको विषयमा गम्भीर बन्नु पर्छ । कमजोरी कसको हो कारबाही हुनु पर्छ । भोलि फेरि लगानीकर्ताको रकम डुब्यो भने यसको जिम्मेवार को हुन्छ ?’ उनले भने ।
समय समयमा यस्तो कुरा आउँदा पनि सम्बन्धीत निकायले ध्यान नदिएको रौनियारले बताए । अहिले नेपालमा दुइ थरि टीएमएस सञ्चालन भइरहेको भन्दै त्यसमा पनि ध्यान दिनु पर्ने उनको भनाइ छ । ‘अहिले समस्या ७२ वटा ब्रोकरमा आएको भनिएको छ । बाँकीले आफ्नै लगानीमा गरेकाले समस्या नआएको होला । ब्रोकरले आफैले ल्याएको टीएमएसमा नेप्सेको भन्दा छिटो सेटलमेन्ट हुने गरेको छ,’ उनले भने । सबै लगानीकर्तालाई एकरुपता कायम गर्न तर्फ ध्यान दिन पनि उनले सुझाब दिए ।
अन्तराष्ट्रिय स्तरको प्रविधिको टीएमएस ल्याउनु पर्ने उनको भनाइ छ । अहिले हाम्रो टीएमएसमा भएको विवरण अरुले हेर्न मिल्ने खालको रहेकाले सुरक्षित नरहेको उनले बताए ।
.png)
