नेपाल प्रिमियर लिग (एनपीएल) अन्तर्गत सुदूरपश्चिम रोयल्स र विराटनगर किंग्सबीचको खेल सुरु हुने भएको छ। वर्षाका कारण लामो समय रोकिएको खेल ५ ओभरमा सीमित गरिएको छ।
खेलका लागि भएको टसमा सुदूरपश्चिम रोयल्सले बाजी मारेको छ। कप्तान दीपेन्द्रसिंह ऐरीले टस जितेर पहिले बलिङ गर्ने निर्णय गरेसँगै विराटनगर किंग्सले ब्याटिङ गर्ने भएको छ।
यसअघि वर्षाका कारण मैदान भिजेपछि खेल सञ्चालन गर्ने विषयमा दुवै टोलीबीच मतभेद भएको थियो। अम्पायरले ५–५ ओभरको खेल गराउने निर्णय गरे पनि सुदूरपश्चिमले भिजेको आउटफिल्डमा खेल्न असहमति जनाएको थियो।
विषयमा दुवै टोलीका प्रतिनिधि, कप्तान, प्रशिक्षक, नेपाल क्रिकेट संघका सचिव पारस खड्का, अम्पायर र क्युरेटरबीच छलफल भएको थियो। लामो छलफलपछि खेल सञ्चालन गर्ने सहमति जुटेको हो।
अब दुवै टोलीबीच ५ ओभरको छोटो प्रतिस्पर्धा हुनेछ।
.png)
