गैरी खेतमा मार्सी धान झुलेको साह्रै याद आउँछ
आँगन बार्दलीमा मखमली फुलेको साह्रै याद आउँछ
मै परदेशीलाई सधैं रेट्छ सपनीमा पनि चाडबाडले
दशैँमा पिङ तिहारमा देउसी खेलेको साह्रै याद आउँछ।
बाँच्नलाई सास र निर्मल पानी चाहिन्छ
सुन्दर संसार हेर्न आँखाको नानी चाहिन्छ
रूखो वचन नलगाउ प्रिय सुन्न सक्दिनँ म
प्रेम गर्नेलाई मायाकै अथाह खानी चाहिन्छ।
पीडामा हुँदा मेरो काखमा बासी रूनु है माया
मनको पीडा आँसुले हाँसीहाँसी धुनु है माया
सबै दुख, पीडा, कष्ट मै लिइदिउँला तिम्रो
बन्नू तिमी धनसँगै मनराशि चन्द्र छुनु है माया।
कत्ति पनि तिमीसँग भेट हुन्छ भनेर सोचेकै थिएन
साँच्चै एकै नजरमा प्रेम बस्छ भनेर सोचेकै थिएन
भेटपछि माया बस्यो मनमुटु साट्यो एक अर्कामा
हाम्रो मिलनपछि विछोड हुन्छ भनेर सोचेकै थिएन।
सहरतिर घुम्न जान्छु भनेर दैलोबाट निस्क्याै तिमी
तिनै दिनदेखि साँच्चै मेरो नजरबाट निस्क्याै तिमी
घुम्ने जाने त मसँग टाढिने बहाना मात्रै रहेछ
फोनमा विजी देखेपछि मेरो जीवनबाट निस्क्याै तिमी।
यसै त्यसैगरी दुनियाँमा तिम्रै नाम चलाऊ
आफ्नै सम्झी माया दिएँ इज्जत लुटेर गयौ
सक्छौ भने आफ्नै चेलीको बैँसमा दाम चलाऊ।
तिमीसँग मायाको भिक माग्दैछु सुनिदेऊ मलाई
अवश्य धोका दिन्न तिम्रो जुनी देऊ मलाई
मैले तिमीलाई प्रेम गरेर अपराध नै गरे रहेछ भने
त्यसको बदला दिलको कारागारमा थुनिदेऊ मलाई।
प्रकाशित: १४ कार्तिक २०८३ ११:१९ शनिबार
.jpg)
.jpg)
