२००८ मा रोनाल्डोले जितेको बालोन डी'ओर बन्यो फुटबल इतिहासकै सर्वश्रेष्ठ, ७५ प्रतिशत मत प्राप्त

क्रिस्टियानो रोनाल्डोका लागि फेरि एउटा ठूलो सम्मानको खबर आएको छ।पोर्चुगिज सुपरस्टार रोनाल्डोले सन् २००८ मा जितेको बालोन डी’ओर फुटबल इतिहासकै सर्वश्रेष्ठ बालोन डी’ओर जित्ने अभियानका रूपमा फ्यानहरूको मतदानमा पहिलो स्थान हासिल गरेको छ। अवार्डको आधिकारिक प्लेटफर्ममार्फत सञ्चालन गरिएको ‘बालोन डी’ओर अफ अल टाइम’ (BOAT) नामक फ्यान भोटिङमा रोनाल्डोको सन् २००८ को उपलब्धिले ७५ प्रतिशत मत प्राप्त गरेको बताइएको छ।

यस मतदानमा लियोनल मेस्सीको सन् २०१२ को उत्कृष्ट अभियानले ९ प्रतिशत मतसहित दोस्रो स्थान पाउँदा रोनाल्डोकै सन् २०१७ को बालोन डी’ओर जित्ने अभियान ६ प्रतिशत मतसहित तेस्रो स्थानमा रह्यो। यद्यपि, यो समर्थकहरूले गरेको अनलाइन मतदान हो, आधिकारिक नयाँ ट्रफी भने होइन। मतदानमा सशुल्क मतसमेत दिन सकिने व्यवस्था रहेको बताइएको छ।

Read full story at source ( barnanmedia.com )