बिहीबारको जितले विराटनगरको प्ले अफ पुग्ने समीकरण जीवन्त रहेको छ । तेस्रो जितपछि उसको ६ अंक भएको छ र लिग तालिकाको चौथो स्थानमा उक्लेको छ ।
काठमाडौं — विराटनगर किंग्सका कप्तान सन्दीप लामिछानेले बिहीबार पोखरा एजेन्सर्जमाथि प्राप्त जितमा आफ्नो प्रदर्शनलाई लिएर खुसी व्यक्त गरेका छन् । जितले विराटनगरको प्ले अफ पुग्ने समीकरण जीवन्त रहेको छ ।तेस्रो जितपछि उसको ६ अंक भएको छ र लिग तालिकाको चौथो स्थानमा उक्लेको छ ।
सन्दीपले खेलपछि भने, ‘पूरा प्रतियोगितामा मैले राम्रो बलिङको प्रयास गरेको छु तर सधैं विकेट प्राप्त हुन्न । तर आज मेरो दिन जस्तै रह्यो ।’ उनी खेलको ‘प्लेयर अफ द म्याच’ पनि बने । उनले ह्याट्रिकसहित २७ रनमा ६ विकेट लिए ।
यो हारपछि प्रतियोगितामा पोखराको चुनौती समाप्त भएको छ । पोखरा प्ले अफ नखेल्ने एक्लो टिम भएको छ । लगातार तेस्रो सिजन पोखरा लिग चरण काट्न असफल रह्यो । यस सिजन खेलेका आफ्ना ६ खेलमा यो उसको पाँचौं हार हो ।खेलपछि पोखराका कप्तान चमिका करुनारत्नेले आफ्नो टिमको प्रदर्शनमा निराशा पोखे । विराटनगरविरुद्धको खेललाई लिएर उनले भने, ‘सन्दीपको प्रदर्शनले पूरा खेलको स्वरूपमा प्रदर्शन गरेको थियो । उनले एक्लै खेल आफ्नो पक्षमा पारे ।’
