टस हारेपछि पहिले ब्याटिङ गरेको कर्णालीले २० ओभरमा नौ विकेट गुमाउँदै १३२ रन बनायो।
जनकपुर बोल्ट्सले कसिलो बलिङ गर्दै नेपाल प्रिमियर लिग क्रिकेटको मंगलबारको दोस्रो खेलमा कर्णाली याक्सलाई ठूलो स्कोर बनाउन रोकेको छ ।
जनकपुर बोल्ट्सका कप्तान हरमित सिंहले टस जितेपछि ब्याटिङको निम्तो पाएको कर्णालीले निर्धारित २० ओभरमा ९ विकेट गुमाई १ सय ३२ रनमात्र बनाउन सक्यो ।
ओपनर मार्क वाटलाई १ रनमै गुमाएको कर्णालीबाट अर्का ओपनर आरिफुल इस्लामले सर्वाधिक ४३ रन बनाए । उनले २९ बल खेली ४ छक्का प्रहार गरे ।
दीपक डुम्रे २ छक्का प्रहार गर्दै १३, हुसैन तलात ३, अकबर अली १, गुलशन झा १२, कप्तान सोमपाल कामी १ रनमा आउट भए । पवन सर्राफले ३७ बल खेली ३ छक्का प्रहार गर्दै ३७ रन बनाए । नन्दन यादव १० रनमा आउट भए ।
जनकपुरबाट पहिलो पटक खेलिरहेका कप्तान हरमितले ३ विकेट लिए । उनले ४ ओभरमा २२ रनमात्र खर्चे । मोइन अली र राहुल यादवले २/२ तथा ललित राजवंशीले १ विकेट लिए ।
