कुशल भुर्तेलको कप्तानीमा रहेको पोखराले एनपीएल सिजन ३ को पहिलो खेलमा बुधबार सुदूरपश्चिम रोयल्ससँग खेल्नेछ ।
काठमाडौँ — नेपाल प्रिमियर लिग (एनपीएल) को तेस्रो संस्करणका लागि पोखरा एभेन्जर्सले द शहंशाह अपार्टमेन्टलाई आफ्नो ‘टाइटल स्पोन्सर’ बनाएको छ ।
मंगलबार पोखरा एभेन्जर्स र द शहंशाह अपार्टमेन्टबीच सम्झौता भएको छ । सम्झौता पत्रमा शहंशाह अपार्टमेन्टका निर्देशक प्रकाश अधिकारी र पोखरा एभेन्जर्सका महाप्रबन्धक अमित लोहनीले हस्ताक्षर गरेका थिए ।
यस सहकार्यले पोखरा एभेन्जर्सको व्यावसायिक साझेदारीलाई थप मजबुत बनाउनुका साथै नेपाली क्रिकेटको विकास र प्रवर्द्धनमा निजी क्षेत्रको सहभागितालाई प्रोत्साहन गर्ने विश्वास लिइएको छ ।
पोखरा र गण्डकी प्रदेशको प्रतिनिधित्व गर्ने पोखरा एभेन्जर्सले एनपीएल सिजन ३ मा उत्कृष्ट प्रदर्शन गर्ने लक्ष्यसहित तयारी गरिरहेको छ । द शहंशाह अपार्टमेन्टसँगको यो सहकार्यलाई पोखरा एभेन्जर्सले नयाँ उत्साह र सम्भावनाको रूपमा लिएको छ ।
कुशल भुर्तेलको कप्तानीमा रहेको पोखराले एनपीएल सिजन ३ को पहिलो खेलमा बुधबार सुदूरपश्चिम रोयल्ससँग खेल्नेछ ।
