गोरखाको धार्चे र चुमनुब्री गाउँपालिका क्षेत्रमा रोकिएकाहरूलाई उद्धार गरिएको हो ।
गोरखा — बुढीगण्डकी बाढीपछिको पाँचौँ दिन बिहीबार ७६ जनाको उद्धार भएको छ । नेपाली सेनाको हेलिकोप्टर र स्थलमार्गबाट ११ विदेशीसहित ७६ जनालाई सुरक्षित स्थानमा पुर्याइएको नेपाली सेनाले जनाएको छ ।
गोरखाको धार्चे र चुमनुब्री गाउँपालिका क्षेत्रमा रोकिएकाहरूलाई उद्धार गरिएको हो । आरुघाटबाट गाउँ फर्कनेहरूलाई पनि नेपाली सेनाले पायक पर्ने ठाउँमा पुर्याएर छाडेको छ ।
पाँच दिनमा नेपाली सेनाले ११ सयभन्दा बढीको उद्धार गरेको छ । बिहीबार मात्र ३ हजार ९६० केलो खाद्यान्न तथा राहत चुमनुब्री र धार्चे क्षेत्रमा नेपाली सेनाको हेलिकोप्टरमार्फत पुर्याइएको छ ।
हरिराम उप्रेती कान्तिपुरका गोरखा संवाददाता हुन् ।
